Munawar Faruqui : 'बिग बॉस १७' विनर मुनव्वर फारुकीची प्रकृती बिघडली, रुग्णालयात उपचार सुरू; नेमकं काय झालं?

Munawar Faruqui : 'बिग बॉस १७' चा विनर मुनव्वर फारुकीची तब्येत बिघडली असून त्याला रुग्णालयामध्ये दाखल करण्यात आले आहे. मुनव्वरच्या मित्रांनी सोशल मीडियावर पोस्ट करत ही माहिती दिली आहे. मुनव्वरचा हॉस्पिटलमधील बेडवर झोपलेला एक फोटो सोशल मीडियावर व्हायरल होत आहे. मुनव्वरची अवस्था पाहून त्याचे चाहते चिंतेत आले आहेत. तो लवकर बरा व्हावा यासाठी चाहते प्रार्थना करत आहेत.

मुनव्वर फारुकीचा मित्र नितीन मेंघानीने आपल्या अधिकृत इन्स्टाग्राम स्टोरीवर एक फोटो शेअर केला आहे. या फोटोमध्ये मुनव्वर हॉस्पिटलच्या बेडवर झोपलेला दिसत आहे. मुनव्वरच्या हाताला आयव्ही ड्रिप लावलेले दिसत आहे. नितीनने या फोटोवर लिहिले की, माझा भाऊ मुनव्वर फारुकी लवकर बरा व्हावा. पण, मुनव्वरला नेमकं काय झालं. त्याला रुग्णालयात का दाखल करण्यात आले या मागचे कारण मात्र समजू शकले नाही.

Lok Sabha Election 2024 : इतिहासात पहिल्यांदाच असं घडलं; सोनिया, राहुल गांधींचं मतदान काँग्रेसला नाहीच

मुनव्वर एक हुशार स्टँडअप कॉमेडियन आहे. 'बिग बॉस 17'च्या ग्रँड फिनालेमध्ये सर्वाधिक मते मिळवून मुनव्वर फारुकी विनर ठरला होता. त्याला बिग बॉस जिंकल्यानंतर ट्रॉफी आणि आलिशान कार गिफ्ट म्हणून देण्यात आली होती. मुनव्वरसोबत या शोमध्ये अभिषेक कुमार, मन्नारा चोप्रा, अंकिता लोखंडे आणि अरुण हे अन्य चार स्पर्धक अंतिम फेरीत होते. दरम्यान, स्टँडअप कॉमेडियन, रॅपर आणि गायकाने अलीकडेच त्याचे नवीन गाणे 'DHANDHO' रिलीज केले. बिग बॉसच्या घरातून बाहेर आल्यानंतर हे त्याचे पहिले गाणे आहे.