Mumbai- Pune Expressway : मुंबई पुणे महामार्गावर लुटमार करणारी टोळी अटकेत; 5 लाख 88 हजारांचा मुद्देमाल जप्त

Mumbai- Pune Expressway : मुंबई पुणे महामार्गावर दरोडा टाकून लुटमार करणारी चाैघांची टाेळी पनवेल तालुका पाेलिसांनी नुकतीच जेरबंद केली. या टाेळीतील चाैघांकडून एकूण 5 लाख 88 हजार रुपयांचा मुद्देमाल हस्तगत केला आहे. या टाेळाकडून आणखी काही गुन्हे उघडकीस येण्याची शक्यता वर्तवली जात आहे.

मुंबई पुणे महामार्गावर पळस्पे जवळ आपल्या मालवाहतूक वाहनाचे टायर तपासात असताना 5 ते 6 जणांनी हल्ला करत रोख रक्कम आणि एक मोबाईल चोरी झाल्याची घटना समोर आली होती. याप्रकरणी पनवेल तालुका पोलिस ठाण्यात गुन्हा नाेंदविला गेला हाेता.

Thane Crime News : दिवा रेल्वे स्थानकावरील 12 रिक्षांची युवकाकडून ताेडफाेड, युनियनची पाेलिसांत धाव

या प्रकरणाचा तपास करत असताना गुप्त बातमीदारा मार्फत मिळालेल्या माहिती नुसार पोलिसांनी सापळा रचत मुख्य संशयित आरोपी विशाल जाधव याला अटक केली. जाधव याची अधिक चौकशी केली असता गुन्ह्यातील इतर चार संशयितांना आरोपींनी अटक करुन त्यांच्याकडून या गुन्ह्यात चोरी केलेल्या एका मोबाईलसह इतर गुन्ह्यात चोरलेले 21 मोबाईल गुन्ह्यात वापरलेली बाईक, हत्यार असे एकूण 5 लाख 88 हजार रुपयांचा मुद्देमाल हस्तगत केला.