Mumbai News : मुंबईत दहशतवादी हल्ल्याची भीती, दादरमध्ये कलम 144 लागू

Mumbai News: भारताची आर्थिक राजधानी असणाऱ्या मुंबईवर पुन्हा एकदा दहशतवादी हल्ल्याची भीती आहे. 1 मे रोजी म्हणजेच महाराष्ट्र दिनानिमित्त दहशतवादी हल्ला होण्याची शक्यता आहे. या पार्श्वभूमीवर मुंबईच्या दादर परिसरात कलम 144 लागू करण्यात आले. तसंच मुंबई पोलिस देखील सतर्क झाले आहेत.

मिळालेल्या माहितीनुसार, मुंबईवर दहशतवादी हल्ल्याची भीती आहे. महाराष्ट्र दिनानिमित्त दहशतवादी हल्ला होण्याची शक्यता आहे. महाराष्ट्र दिनाच्या परेड दरम्यान दहशतवादी आणि समाजकंटक हल्ला करु शकतात. दादरच्या शिवाजी पार्कची हवाई जागा दहशतवादी हल्ल्यासाठी वापरली जाऊ शकते. त्यामुळे मोठ्या प्रमाणात मानवी जीवित आणि सार्वजनिक मालमत्तेचे नुकसान होण्याची शक्यता आहे.

1 मे रोजी शिवाजी पार्कवर परेड होणार असून त्यात दहशतवादी हल्ला करण्याचा प्रयत्न केला जाऊ शकतो. त्यामुळे सुरक्षेच्या कारणास्तवर दादर परिसरात कलम 144 लागू करण्यात आले आहे. यापार्श्वभूमीवर मुंबई पोलिस सतर्क झाले आहेत. दादर, शिवाजी पार्क, माहीम आणि वरळी या चार पोलिस ठाण्याच्या हद्दीमध्ये नो फ्लाईंग झोन म्हणून घोषित करण्यात आल्या आहेत.