Mumbai Metro : मुंबई मेट्रो ४ चे ऑडिट करण्याचे आदेश! आर-सिटी मॉलजवळील ‘त्या’ भेगांमुळे प्रशासन हादरले

image

Mumbai Metro Line 4 crack inspection news : मुंबईतील मुलुंड विभागातील मेट्रो दुर्घटनामध्ये एकाचा बळी गेला ही घटना ताजी असताच अजून एक व्हिडिओ समोर आलेला आहे. घाटकोपर आर सिटी समोरील मेट्रो ४ या ठिकाणची पाहणी केली असता या ठिकाणी मेट्रोच्या कामाला मोठ्या भेगा पाहायला मिळाल्या. या ठिकाणी वाहनांची मोठ्या प्रमाणात वर्दळ असते, तसेच आर सिटी मॉलमध्ये मोठ्या प्रमाणात नागरिक येतात. त्याच्यामुळे या ठिकाणी मोठी दुर्घटना ही होऊ शकते.

आर सिटी मॉलसमोर मेट्रो स्थानकाच्या पिलरला एक नव्हे तर तीन जागी क्रॅक झाल्याचे कॅमेऱ्यात कैद झाले आहे. या क्रॅकमुळे थोड जरी बांधकाम खाली पडलं तरी मोठं नुकसान होऊ शकते. एका नागरिकाकडून व्हॉट्सअ‍ॅपवर तक्रार प्राप्त झाल्यानंतर कारवाई करण्यात आली. एल.बी.एस. रोडवरील आर-सिटी मॉलजवळ मेट्रो लाईन ४ च्या सुपरस्टक्चर बीममध्ये ‘मॅक्रो क्रॅक्स’ दिसून आल्याची माहिती मिळाली. मेट्रो लाईन ४ च्या सर्व बांधकामाची तपासणी, स्ट्रक्चरल ऑडीट करण्याचे पालिका प्रशासनाचे आदेश दिले आहेत. मुंबईत मेट्रोच्या कामांबाबत पुन्हा एकदा सुरक्षेचा प्रश्न ऐरणीवर आला आहे.



विडियो गॅलेरी

Leave a Reply

Your email address will not be published. Required fields are marked *