Mumbai Crime : नववीत शिकणाऱ्या अल्पवयीन मुलीचा शिक्षकाकडून विनयभंग; मुंबईच्या गावदेवी परिसरातील धक्कादायक घटना

Mumbai Crime : नववीच्या वर्गात शिक्षण घेणाऱ्या एका अल्पवयीन मुलीचा शाळेतील शिक्षकानेच विनयभंग केल्याचा धक्कादायक प्रकार मुंबईच्या गावदेवी परिसरातून समोर आला आहे. याप्रकरणी पीडित मुलीच्या आईने दिलेल्या तक्रारीवरून पोलिसांनी आरोपी शिक्षकावर गुन्हा दाखल करून त्याला अटक केली आहे. या घटनेनं परिसरात संतापाची लाट उसळली आहे. 

संजय गवांदे असं अटक करण्यात आलेल्या शिक्षकाचं नाव आहे. पोलिसांनी दिलेल्या माहितीनुसार, पीडित अल्पवयीन मुलगी गावदेवी परिसरात असलेल्या एका शाळेत नववीच्या वर्गात शिक्षण घेते. याच शाळेत आरोपी गवांदे हा शिक्षक म्हणून कार्यरत आहे. 

Mumbai News : मुलीचं प्रेमप्रकरण कळताच आई संतापली; रागाच्या भरात पोटच्या लेकीला संपवलं, मुंबईतील भयानक घटना

वर्गात असताना आरोपी अल्पवयीन मुलीसोबत जवळीक साधून तिला चुकीचा स्पर्ष करीत होता. सुरुवातीला मुलीने याकडे दुर्लक्ष केले. मात्र, दिवसेंदिवस आरोपीचे घाणेरडे कृत्य वाढतच असल्याने मुलीने या प्रकाराचा माहिती आपल्या आईला सांगितली.

मुलीचा विनयभंग झाल्याचं कळताच आईने तातडीने गावदेवी पोलिसांत धाव घेऊन तक्रार दाखल केली. तक्रार दाखल होताच पोलिसांनी आरोपी शिक्षक संजय गवांदे याच्या विरोधात पोस्को कायद्याअंतर्गत गुन्हा दाखल केलाय.

याप्रकरणी पोलिसांनी नराधम शिक्षकाला अटक देखील केली आहे. या घटनेनं परिसरात संतापाची लाट उसळली आहे. विशेष म्हणजे हा शिक्षक मागील अनेक दिवसापासून शाळा सुटल्यावर पीडित विद्यार्थिनीचा पाठलाग करायचा, अशी माहिती देखील समोर आली आहे.