Mumbai Crime : बायकोचा शरीरसंबंधासाठी नकार, नवऱ्याचं क्रूर कृत्य, मुंबई हादरली

Chembur Vashi Naka News : मुंबईमधील चेंबूरमध्ये हादरावणारी घटना घडली आहे. शरीरसंबंधासाठी नकार देणाऱ्या बायकोला नवऱ्याने रागाच्या भरात रॉकेल टाकून पेटवण्याचा प्रयत्न केला. चेंबूरमधील वाशी नाका येथे ही धक्काकादायक घटना घडली. याप्रकरणी पोलीसांत गुन्हा दाखल करण्यात आला आहे. या धक्कादायक घटनेत महिला ७० टक्के भाजली असून तिच्यावर सायन येथील रूग्णालयात उपचार सुरू आहेत.

मुंबईतील चेंबूरमधील वाशी नाका परिसरात 30 मे 2025 रोजी ही धक्कादायक घटना घडली. एका ३८ वर्षीय महिलेला तिच्या पतीने शारीरिक संबंध ठेवण्यास नकार दिल्याने रागाच्या भरात रॉकेल ओतून पेटवून दिले. ही घटना सकाळी कामावर जाण्याच्या तयारीदरम्यान घडल्याचे समोर आले. या हल्ल्यात महिला ७० टक्क्यांहून अधिक भाजली असून, तिच्यावर सायन रुग्णालयात उपचार सुरू आहेत. डॉक्टरांनी तिची प्रकृती अत्यंत गंभीर असल्याचे सांगितले आहे.

Dombivli crime : डोंबिवलीत लोकलमध्ये मोबाईलची चोरी, हाताला फटका मारून चोरटा मोबाईल घेऊन पसार

चेंबूर नाका पोलिसांनी आरोपी पतीविरोधात हत्येचा प्रयत्न आणि घरगुती हिंसाचारासह गंभीर कलमांखाली गुन्हा दाखल केला आहे. पोलिसांनी आरोपीला ताब्यात घेतले असून, या प्रकरणाचा तपास सुरू आहे. ही घटना मुंबई आणि राज्यात खळबळ माजवणारी आहे. एकीकडे वैष्णवी हगवणे प्रकरणामुळे राज्यात संतापाची लाट असतानाच आणखी एक घरगुती हिंसाचाराची घटना समोर आली आहे. मुंबईतील या क्रूर कृत्याचा स्थानिकांनी आणि सामाजिक कार्यकर्त्यांनी तीव्र निषेध केला आहे. पोलिसांनी पीडितेच्या जबाबाच्या आधारे पुढील कारवाई सुरू केली आहे.