Mumbai  : वाहतुकीचे नियम पायदळी, ५५ रिक्षाचालकांविरोधात कारवाईचा बडगा

गेल्या काही महिन्यांपासून गोवंडी – शिवाजी नगर परिसरात मोठ्या प्रमाणात रिक्षाचालक अवैध वाहतूक करीत असल्याचे निदर्शनास आले होते. रिक्षामधून तीन प्रवाशांना घेऊन जाण्यास परवानगी आहे. असे असताना चालक पाच ते सहा प्रवाशांना रिक्षातून घेऊन जात होते. यामुळे अपघात होण्याच्या शक्यतेमुळे काही नागरिकांनी याबाबत पोलिसांकडे तक्रारी दाखल केल्या होत्या. या तक्रारींची दखल घेऊन देवनार पोलीस, वडाळा परिवहन विभाग आणि मानखुर्द वाहतूक विभाग यांनी संयुक्तरित्या गुरुवारी गोवंडी परिसरात अवैध वाहतूक करणाऱ्या रिक्षाचालकांविरोधात धडक कारवाई सुरू केली होती.