Mumbai : देवघरातील मूर्तींसह पूजेचे साहित्य चोरीला, मुंबई पोलिसांनी नोकराचा केला भंडाफोड, अशी केली अटक

10 जानेवारी रोजी सकाळी श्रीय उठल्यानंतर शिवरंजन घरात दिसला नाही. संशय आल्याने त्यांनी देवघर तपासले असता चांदीच्या सर्व देवमूर्ती व पूजेचे साहित्य चोरीस गेल्याचे आढळले. चोरीत मोठी व लहान आकाराच्या चांदीच्या दोन थाळ्या, चार वाट्या, तीन पळ्या, एक कलश, घंटा, त्रिशूल, गणेश, लक्ष्मी, कार्तिकेय यांच्या मूर्ती असा सुमारे चार लाख रुपयांचा मुद्देमाल लंपास करण्यात आला होता.