Mumbai : लग्नाच्या २० वर्षांनंतर लक्ष्यचा जन्म, पण पालकांसमोरच नियतीने घात केला, कारखाली चिरडल्याने एकुलत्या एक मुलाचा मृत्यू

संजय गडदे, मुंबई प्रतिनिधी

Mumbai Malad East hit and run case 4 year old boy death : मुंबईतील मालाड पूर्वेकडील निलयोग विराट इमारत परिसरात हृदयद्रावक हिट अँड रनची घटना घडली आहे. इमारतीत राहणाऱ्या सिंग कुटुंबावर आनंदाच्या क्षणांनंतर अवघ्या दोन दिवसांत दु:खाचा डोंगर कोसळला. ५ तारखेला कुटुंबात लग्नसोहळा पार पडला होता, ६ तारखेला संपूर्ण कुटुंब एकत्र होते, तर ७ तारखेला सकाळी त्यांचा चार वर्षांचा मुलगा लक्ष्य इमारतीखाली खेळत असताना भरधाव कारने चिरडले. या अपघाताची माहिती सुरक्षा रक्षकाला देऊन कारचालक घटनास्थळावरून फरार झाला.