Mobile Phone Blast : चार्जिंगला लावलेल्या मोबाईलचा स्फोट; घराला आग लागून ४ मुलांचा मृत्यू, पती-पत्नी गंभीर

सारिका (वय १०), निहारिका (वय ८), गोलू (वय ६) आणि कल्लू (वय ५) अशी मृत मुलांची नावे आहेत. तर जॉनी (वय ४१) आणि बबिता (३७) अशी गंभीर जखमी झालेल्या पती-पत्नीची नावे असून त्यांच्यावर रुग्णालयात उपचार सुरू आहे. या घटनेनं परिसरातून मोठी हळहळ व्यक्त होत आहे. 

मिळालेल्या माहितीनुसार, मुझफ्फरनगर जिल्ह्यातील सिखेडा येथे राहणारा जॉनी हा मजूर म्हणून काम करतो. काही दिवसांपूर्वी जॉनी हा आपल्या कुटुंबासहित कामानिमित्त मेरठ शहरात आला होता. मोदीपुरम येथील जनता कॉलनीत तो भाड्याच्या घरात राहत होता.

शनिवारी (ता २३) सायंकाळी जॉनी आणि त्याची पत्नी घरकामात व्यस्त होते. त्याचवेळी मुले समोरील खोलीत खेळत होती. दरम्यान, जॉनी याने आपला मोबाइल फोन मुलांना चार्जिंगला लावण्यास सांगितला. मोबाइल चॉर्जिंगला लावताच अचानक भीषण स्फोट झाला.