Mathura Fire : मथुरेतील फटाक्यांच्या बाजाराला भीषण आग, 12 जण होरपळले, २६ दुकाने जळून खाक

Mathura Fire : देशभरात दिवाळीची धामधूम असताना काही भागांमध्ये आगी लागण्याच्या दुर्घटना घडल्या आहेत. दरम्यान मथुरेतील राया पोलीस स्थानकाच्या हद्दीत फटाक्यांच्या बाजाराला लागलेल्या भीषण आगीत २६ दुकाने जळून खाक झाली आहेत. या दुर्घटनेत १२ जण होरपळले असून ९ जणांची प्रकृती चिंताजनक आहे. दरम्यान या घटनेमुळे परिसरात खळबळ माजली असून माहिती मिळताच अग्निशमनदलाच्या गाड्या घटनास्थळी दाखल झाल्या आहेत.

Kolhapur News : दगडी मूर्तींची अघोरी पूजा; कोल्हापूर जिल्ह्यातील अंधश्रद्धेचा प्रकार

जखमींना स्थानिक रुग्णालयात दाखल करण्याच आले असून त्यांच्यावर उपचार सुरू आहेत. यातील ९ जणांची प्रकृती चिंताजनक असून त्यांना आगरा येथे हलवण्यात आले आहे. तर गाजियाबादमधील नंदग्राम येथील दुर्गा मंदिराजवळील भंगाराच्या गोदामाला भीषण आग लागली आहे. अग्निशमन दलाच्या गाड्या घटनास्थळी दाखल झाल्या असून आगीवर नियंत्रण मिळवण्याचे काम युद्धपातळीवर सुरू आहे.मथुरेतील घटनेचा व्हिडीओ समोर आला असून जळणाऱ्या दुकानांमध्ये स्फोट होत आहेत. परिसरात स्फोटांचे आवाज ऐकायला येत आहेत.