Maharashtra Weather : राज्यात उष्णतेचा कहर कायम; कोकण, मध्य महाराष्ट्र, विदर्भ, मराठवाड्यात पुन्हा अवकाळीचा इशारा

पुढील चार दिवस मध्य महाराष्ट्र, विदर्भ, मराठवाडा, आणि कोकण विभागात तुरळक पावसाचा अंदाज  वर्तवण्यात आला आहे. पाच एप्रिलपासून हा पाऊस पडण्याची शक्यता आहे. तर पाच ते आठ तारखेला मध्य महाराष्ट्रामध्ये, सहा ते आठ तारखेला कोकण गोवा आणि मराठवाड्यात, सात आणि आठ तारखेला विदर्भामध्ये हलका पाऊस पडण्याची शक्यता आहे.

सतत वाढत्या उकाड्यामुळे नागरिक त्रस्त झाले आहे. एकीकडे वरूण राजा बरसतोय तर दुसरीकडे घामाच्या धारा वाहत आहे. मुंबईतही उकाडा आणि दमट वातावरण वाढलं आहे. मुंबईचे तापमान २ एप्रिल रोजी ३२ डिग्रीवर पोहचले होते. पुणे शहरात पुढील काही दिवस हवामान कोरडे राहण्याचा अंदाज हवामान विभागाने वर्तविला आहे. सात आणि आठ तारखेला हलका पाऊस पडण्याची शक्यता आहे.