Maharashtra Teachers : शिक्षकांसाठी मोठी बातमी; हजारो शिक्षकांना मिळणार नव्या वेतनश्रेणीचे प्रमाणपत्र

Mumbai : राज्यातील शिक्षकांसाठी महत्वाची अपडेट समोर आली आहे. राज्यातील हजारो शिक्षकांनी प्रशिक्षण पूर्ण केलं आहे. तरीही त्यांना प्रमाणपत्र न मिळाल्याने शिक्षकांना वरिष्ठ आणि निवड श्रेणी प्रस्तावावर शिक्षण विभागाकडे पाठवता येत नव्हता. त्यामुळे या शिक्षकांचं मोठं नुकसान होत होतं. एससीईआरटीकडून तब्बल ३४ हजार शिक्षकांना पुढील आठवड्यात प्रमाणपत्रे देण्यात येणार आहे. त्यामुळे हजारो शिक्षकांचा मार्ग मोकळा होणार आहे.

एका वृत्तपत्राने दिलेल्या माहितीनुसार, राज्यातील प्राथमिक, माध्यमिक, उच्च माध्यमिक आणि अध्यापक विद्यालयांमधील एकूण ४० हजार ८१ शिक्षकांकडून वरिष्ठ आणि निवडश्रेणी प्रशिक्षणासाठी नोंदणी केली होती. त्यापैकी एकूण ३९ हजार ८४१ शिक्षक प्रशिक्षणासाठी पात्र ठरले होते. त्यातील ५ हजार ५२७ शिक्षक हे प्रशिक्षणादरम्यान अनुत्तीर्ण होते.

३४ हजार ३१४ शिक्षकांनी त्यांचं प्रशिक्षण पूर्ण केलं आहे. त्यापैकी ३३ हजार ५७२ शिक्षक उत्तीर्ण झाले आहेत. तर ५६३ शिक्षकांची प्रक्रिया पूर्ण झाली नसल्याची माहिती मिळत आहे. या प्रमाणपत्रासाठी शिक्षक संघटनांचा गेल्या अनेक दिवसांपासून पाठपुरावा सुरु होता.

Q
शिक्षकांना प्रमाणपत्र मिळण्यात उशीर का झाला?
A
प्रशिक्षण पूर्ण असूनही SCERT कडून प्रमाणपत्र मिळालं नव्हतं. त्यामुळे शिक्षकांना निवड आणि वरिष्ठ श्रेणीसाठी प्रस्ताव पाठवता येत नव्हता.
Q
किती शिक्षकांनी प्रशिक्षण पूर्ण केलं आहे?
A
राज्यातील ३४ हजार ३१४ शिक्षकांनी प्रशिक्षण पूर्ण केलंय. त्यातील ३३ हजार ५७२ शिक्षक उत्तीर्ण झाले आहेत.

Q
शिक्षकांना प्रमाणपत्रामुळे काय फायदा होणार?
A
शिक्षकांना या प्रमाणपत्रांमुळे पदोन्नतीसाठी आवश्यक असलेली प्रक्रिया पुढे नेता येणार आहे.