Lok Sabha Election 2024

Lok Sabha Election 2024 :

महाराष्ट्रातल्या अनेक जिल्ह्यात लोकसभेची रणधुमाळी सुरू आहे. त्यामुळे मतदानासाठी लोकांची लगबग सुरू आहे. अशात मतदानादिवशी सकाळी मतदान करून सुट्टीवर जाण्याचा प्लॅनही लोक ठरवत आहेत.

लोकसभा निवडणुकीसाठी 2024 च्या पहिल्या टप्प्यातील मतदान 19 एप्रिल रोजी पार पडले आहे. लोकसभा निवडणुका एकूण 7 वेगवेगळ्या टप्प्यात होणार आहेत. त्यानंतर ४ जून रोजी मतदानाचा निकाल जाहीर होणार आहे.

वर्षभरात अनेक सार्वजनिक सुट्ट्या असतात. काही मोठे विकेंडसुद्धा असतात. पण या सगळ्या सुट्ट्यांमध्ये मतदानाची सुट्टीही फिक्स असते. कर्मचारी सरकारी असो वा खासगी त्याला मतदानाच्या दिवशी सुट्टी मिळते. पण ही सुट्टी देणं कंपनीला बंधनकारक आहे का?

एखादा व्यक्ती मतदान करून कामावर जाऊ शकत असेल तर त्याला सुट्टीची आवश्यकता आहे का? कंपनीमध्ये कितीही वर्कलोड असला तरी मतदानाच्या दिवशी सुट्टी द्यावीच लागते, यामागील कारण काय आहे याचा तुम्ही कधी विचार केला आहे का?

Nandurbar News : नवापूर सीमा तपासणी नाक्यावर एसीबीचा छापा, दाेन शासकीय अधिका-यांसह एकास घेतलं ताब्यात

मतदानाच्या सुट्टीबद्दल कायदा काय सांगतो

संविधानानुसार कोणत्याही नागरिकाला मतदानाचा अधिकार नाकारता येत नाही. त्यामुळे मतदान करण्याचा हक्क प्रत्येकाला बजावावा लागतो. लोकप्रतिनिधी कायदा १९५१, (RP) नुसार. प्रत्येक कंपनीने मतदान होत असलेल्या भागात मतदानाचा दिवस सुट्टी म्हणून घोषित करणे आवश्यक आहे. या कायद्यानुसार, मतदानाच्या दिवशी सर्व कर्मचाऱ्यांना पगारी रजा द्यावी आणि त्या दिवसाचा पूर्ण पगार कंपनीने द्यावा लागतो.

काही मतदारांच्या बाबतीत मतदान गावी असेल तर तिकडे रात्रभर प्रवास करून जावे लागते. आणि मतदान करून पुन्हा कामाच्या ठिकाणी यावे लागते. तेव्हा, या सगळ्या प्रवासाला सुट्टी लागते. त्यामुळेच कंपनीने सुट्टी जाहीर करावी लागते.

एखादी कंपनी सुट्टी देत नसेल तर...

ECI किंवा त्यांनी नियुक्त केलेल्या प्राधिकरणाशी संपर्क साधू शकतात. तुम्ही तक्रार केली तर संबंधिक कंपनीवर कारवाई होऊ शकते. त्यामुळे, कंपनीही अडवणूक न करता सुट्टी जाहीर करते.