Karad News : वीर जवान अनिल कळसे अमर रहे! रेठरे खुर्दला पार्थिव दाखल; गावकऱ्यांचा अश्रूंचा बांध फुटला

Karad News : वीर जवान तुझे सलाम, जवान अनिल कळसे अमर रहे, अमर रहे अमर रहे वीर जवान अनिल कळसे अमर रहे अशा घाेषणांनी आज (शनिवार) रेठेरे खूर्द गाव दुमदुमन गेले. जवान अनिल कळसे यांच्या पार्थिवाचे वाहन गावात दाखल हाेताच ग्रामस्थांनी अश्रुंना वाट माेकळी करुन दिली. 

सातारा जिल्ह्यातील कराड तालुक्यातील रेठरे खुर्द गावचे सुपुत्र जवान हवालदार अनिल कळसे यांना मणिपूर येथे देशसेवा बजावतअपघाती वीरमरण आले.

Political News : भाजप नेत्याचा पुन्हा एकदा दावा, काॅंग्रेसचे ज्येष्ठ नेते माजी मुख्यमंत्री 'कमळ' हाती घेण्यास इच्छुक

ते भारतीय सेनेतील बॉम्बे इंजिनियर ग्रुप मधील 267 इंजिनिअर रेजिमेंट मध्ये कार्यरत होते. ते 29 सप्टेंबर 2000 साली भारतीय सैन्य दलात भरती झाले होते. त्यांनी 23 वर्ष देश सेवा बजावली होती.

आज (शनिवार) कराड तालुक्यातील रेठरे खुर्द येथे त्यांचे पार्थिव आणण्यात आले. यावेळी ग्रामस्थांनी वीर जवान अनिल कळसे अमर रहे अशा घाेषणा दिल्या. यावेळी युवा वर्ग माेठ्या संख्येने उपस्थित हाेते. कुटुंबियांनी जवान अनिल कळसे यांचे पार्थिव पाहताच हंबरडा फाेडला. लहान मुले देखील हुंदका देत रडत हाेती. संपुर्ण गावावर शाेककळा पसरली हाेती.

दरम्यान आज (शनिवार) दुपारच्या सुमारास शासकीय इतमामात त्यांच्यावर अंत्यसंस्कार करण्यात येणार आहेत अशी माहिती प्रशासनाने दिली.