Jammu Kashmir : काश्मीर खोऱ्यात सैन्याला मोठं यश; चकमकीत दोन दहशतवादी ठार

Budgam Encounter : मध्य काश्मीर खोऱ्यातील बडगममध्ये सुरक्षा दल आणि दहशतवाद्यांमध्ये चकमक झाली आहे. या कारवाईमध्ये भारतीय सैन्याने दोन दहशतवाद्यांना ठार केले आहे. मध्य काश्मीरमधील बडगाम जिल्ह्यातील जिल्हा न्यायालय परिसराजवळ ही कारवाई करण्यात आली आहे.

पोलीस अधिकाऱ्याने सांगितले की, बडगाम जिल्हा न्यायालयाजवळ लष्कर आणि पोलिसांच्या संयुक्त पथकाने एक विशेष इनपुट बॅरिकेड केले होते. यावेळी जवानांकडून एक संशयास्पद वाहन थांबवण्याचा प्रयत्न करण्यात आला. त्यावेळी वाहनातील दहशतवाद्यांनी गोळीबार करण्यास सुरूवात केली. त्यानंतर सुरक्षा दलांनीदेखील प्रत्युत्तर केले त्यात दोन दहशतवादी ठार झाले आहेत. या कारवाईदरम्यान सैन्याने शस्त्रास्त्रे आणि दारूगोळा जप्त केला आहे.

बडगाम चकमकीत ठार झालेल्या दोन दहशतवाद्यांची नावे अरबाज मीर आणि पुलवामा येथील शाहिद शेख अशी असून, या दोघांचा संबंध नुकत्याच धनगरी आणि राजौरी येथे झालेल्या हिंदूंच्या हत्याकांडाशी असल्याचे काश्मीचे ADGP यांनी सांगितले.