Matheran : माथेरानमध्ये मोठी कारवाई! सुमारे 400 घोडे झाले बेघर; पोलिस बंदोबस्तात कारवाई, अश्वपाल बांधवांचा आक्रोश

Matheran : माथेरान गिरीस्थान हिरवाईने नटलेले, मुंबई-पुणेकरां सहित देश विदेशातील पर्यटकांना आवडणारे पर्यटनस्थळ आहे, पण या सुंदर डोंगरमाथ्यावरील शांती आणि पर्यटनाचा ताल आज विस्कळीत झाला आहे. माथेरानच्या दस्तुरी नाका परिसरात आज प्रशासनाने संयुक्तरीत्या केलेल्या कारवाईमुळे तब्बल 400 घोडे बेघर झाले असून, घोडे व्यवसायावर आपलं जीवन अवलंबून ठेवणाऱ्या अश्वपाल समाजात प्रचंड संताप उसळला आहे.

नगरपालिका आणि महसूल विभागाने भूखंड क्र. 93 वर उभारण्यात आलेले घोड्यांचे प्लास्टिक शेड हटवले आहे. या जागेवर अश्वपाल समाज मागील अनेक वर्षांपासून तबेले उभारून घोड्यांची देखभाल करत होता. मात्र, वाहतूक कोंडी आणि पार्किंगच्या कारणावरून प्रशासनाने मोठ्या बंदोबस्तात ही कारवाई केली. परिणामी, माथेरानमधील मालवाहतूक, पर्यटन सेवा आणि स्थानिक व्यावसायिकांचे अर्थचक्रच ठप्प होण्याची भीती निर्माण झाली आहे.

Pune : .महाराष्ट्र सरकारकडून पुरवणी प्रॉपर्टी कार्डासाठी नवी समिती स्थापन; अध्यक्ष महिनाभरात अहवाल सादर करणार

माथेरान हे भारतातील एकमेव ‘नो व्हेईकल झोन’ क्षेत्र आहे. येथे वाहनबंदी असल्याने, हॉटेल्ससाठी अन्नपदार्थ, बांधकाम साहित्य, जीवनावश्यक वस्तू तसेच पर्यटकांची मालवाहतूक ही पूर्णपणे घोड्यांवर अवलंबून असते. त्यामुळे घोड्यांचा व्यवसाय हा या प्रदेशाच्या अर्थचक्राचा अविभाज्य भाग बनला आहे. पण आता या घोड्यांना निवारा उरला नाही, त्यामुळे अश्वपाल समाज अक्षरशः उघड्यावर आला आहे.

माथेरान हे भारतातील एकमेव ‘नो व्हेईकल झोन’ क्षेत्र आहे. येथे वाहनबंदी असल्याने, हॉटेल्ससाठी अन्नपदार्थ, बांधकाम साहित्य, जीवनावश्यक वस्तू तसेच पर्यटकांची मालवाहतूक ही पूर्णपणे घोड्यांवर अवलंबून असते. त्यामुळे घोड्यांचा व्यवसाय हा या प्रदेशाच्या अर्थचक्राचा अविभाज्य भाग बनला आहे. पण आता या घोड्यांना निवारा उरला नाही, त्यामुळे अश्वपाल समाज अक्षरशः उघड्यावर आला आहे.