Hingoli Accident : हिंगोली नांदेड मार्गावर भीषण अपघात, भरधाव ट्रकने रिक्षाला चिरडले; ५ जण गंभीर जखमी

Hingoli Accident : हिंगोलीमधून एक भीषण अपघाताची घटना समोर आली आहे. हिंगोली नांदेड राष्ट्रीय महामार्गावर ट्रक आणि रिक्षाचा भीषण अपघात झाला. भरधाव ट्रकने ऑटो रिक्षाला उडवल्याने ही दुर्घटना घडली असून यामध्ये ५ जण गंभीर जखमी झाले आहेत. अपघातातील जखमींना तात्काळ उपचारासाठी रुग्णालयात दाखल करण्यात आले आहे.

याबाबत समोर आलेली अधिक माहिती अशी की,हिंगोली -नांदेड राष्ट्रीय महामार्गावर शनिवारी (४, नोव्हेंबर) सकाळी ट्रक आणि रिक्षामध्ये भीषण अपघात झाला. हिंगोलीवरून कळमनुरीकडे प्रवासी वाहतूक करणाऱ्या ऑटो रिक्षाला भरधाव कंटेनरने धडक दिली. या धडकेत ऑटो मधील चार ते पाच प्रवासी गंभीर जखमी झाले आहेत.

Mahad MIDC News : महाड MIDC स्फोट, ७ जणांचे मृतदेह सापडले, ४ जण अद्यापही बेपत्ता

हा अपघात एवढा भीषण होता की कंटेनरने धडक दिल्यानंतर ऑटो रिक्षाचा पूर्ण चुराडा झाला. याबाबतची माहिती मिळताच बासंबा पोलिसांनी तातडीने अपघातस्थळी धाव घेतली. दुर्घटनेतील जखमींना हिंगोलीच्या शासकीय रुग्णालयात उपचारासाठी दाखल केले आहे.

अपघातानंतर महामार्गावर काही काळ वाहतूक सेवा ठप्प झाली होती. पोलीस आणि स्थानिकांनी अपघातग्रस्त वाहने बाजूला घेत महामार्गावरील वाहतूक व्यवस्था देखील सुरळीत केली आहे. दरम्यान, अपघातातील जखमींपैकी पाचही जणांची प्रकृती गंभीर असल्याचेही सांगण्यात येत आहे.