Harshvardhan Sapkal:… मग कोश्यारी, सावरकरांचे पुतळे जाळणार का? हर्षवर्धन सपकाळ यांनी पुन्हा डिवचलं, पुण्यातील राड्यावर थेट प्रत्युत्तर

Harshvardhan Sapkal criticized BJP: टिपू सुलतानवरून राज्यात अचानक राजकारणाला आणि वादाला उकळी फुटली. काँग्रेस आणि भाजपमध्ये मोठा राडा झाला. राज्यात विविध ठिकाणी आंदोलन झालीत. काँग्रेस आणि भाजप आमने-सामने आली. त्यातच वर्धा येथे माध्यमांशी बोलताना काँग्रेसचे प्रदेशाध्यक्ष हर्षवर्धन सपकाळ यांनी भाजपला पुन्हा डिवचले. काल त्यांनी छत्रपती शिवराय आणि टिपू यांचे कार्य समकक्ष असल्याचे वक्तव्य केले होते. त्यावरून राज्यात काहूर उठले. मुख्यमंत्री देवेंद्र फडणवीस यांनी त्यांच्यावर टीका केली. तर सपकाळांनी पुन्हा एकदा भाजपवर टीका केली.

कोश्यारी-सावरकरांचा पुतळा जाळणार का?

काँग्रेस आणि भाजपमध्ये पुण्यात तुफान राडा झाला. त्याचवेळी वर्धा येथे माध्यमांशी बोलताना हर्षवर्धन सपकाळ यांनी भाजपवर निशाणा साधला. छत्रपती शिवाजी महाराजांनी हिंदवी स्वराज्य स्थापन केलं ते करत असताना शिवाजी महाराज यायला आणि कावळा बसायला आणि डांग तुटायला असं जे वक्तव्य केलं होतं आणि त्या वक्तव्यासोबत शिवाजी महाराजांचा संदर्भात अधिक जे चुकीचे सावरकरांनी व्यक्त केले होते. त्या अनुषंगाने त्यांचे पुतळे भारतीय जनता पक्ष जळणार आहे का हाही माझा प्रश्न आहे. कोश्यारी हे शिवाजी महाराजांबद्दल इतकं विकृत बोलले आणि ते विकृत बोलत असताना त्यांचे देखील पुतळे जाणार आहात का ते हा देखील प्रश्न या निमित्ताने मला उपस्थित करायचा आहे, असे वक्तव्य सपकाळांनी केले. त्यावरून पुन्हा एकदा वाद उफाळण्याची शक्यता आहे.

काँग्रेस प्रदेशाध्यक्ष हर्षवर्धन सपकाळ यांचे ट्विट चर्चेत

दरम्यान पुण्यातील भाजप-काँग्रेस राड्यावर हर्षवर्धन सपकाळ यांनी चांगलेच तोंडसुख घेतले. माझ्या वक्तव्याची मोडतोड करून “ध” चा “मा” करून देवेंद्र फडणविसांना राज्यात दंगली घडवायच्या आहेत असे मी सांगितले होते, त्याचा प्रत्यय आज पुण्यात आला, असे वक्तव्य सपकाळ यांनी केले.

माझ्या वक्तव्याची मोडतोड करून “ध” चा “मा” करून देवेंद्र फडणविसांना राज्यात दंगली घडवायच्या आहेत असे मी सांगितले होते, त्याचा प्रत्यय आज पुण्यात आला.

पुण्यातील भाजपचे गुंड पुणे काँग्रेसच्या कार्यालयावर चाल करून आले व त्यांनी पोलिसांच्या उपस्थितीत दगडफेक करत काँग्रेसच्या महिला…

— Harshwardhan Sapkal (@INCHarshsapkal) February 15, 2026

पुण्यातील भाजपचे गुंड पुणे काँग्रेसच्या कार्यालयावर चाल करून आले व त्यांनी पोलिसांच्या उपस्थितीत दगडफेक करत काँग्रेसच्या महिला कार्यकर्त्यांसह पत्रकार भगिनींवर प्राणघातक हल्ला केला. भाजपच्या या गुंडगिरीचा आम्हा तीव्र निषेध करतो. पुणे पोलिसांनी दंगेखोर भाजप गुंडाना चिथावणी देणाऱ्या धीरज घाटे आणि महापौर मंजुषा नागपुरे यांच्यासह भाजपच्या दंगेखोरांवर तात्काळ गुन्हे दाखल करून त्यांना अटक केली पाहिजे, अशी मागणी त्यांनी केली.

[embedded content]