Grampanchayat Election Result 2023 : अमोल कोल्हेंच्या नारायणगावमध्ये राष्ट्रवादीचा दारुण पराभव; राज्यात कुणाकडे किती ग्रामपंचायती?

Grampanchayat Election Result 2023 : खासदार अमोल कोल्हे यांचं गाव असलेल्या नारायणगावमध्ये राष्ट्रवादी काँग्रेसचा दारुण पराभव झाल्याची माहिती येत आहे. तिथे ठाकरे गटाचं वर्चस्व सिद्ध झालंय. सकाळी ११ वाजेपर्यंत महायुतीने २९१, महाविकास आघाडीने १३९ आणि इतरांनी ५९ ग्रामपंचायती जिंकल्या आहेत.

राष्ट्रवादी काँग्रेसचे खासदार अमोल कोल्हे यांच्या नारायणगावमध्ये राष्ट्रवादी काँग्रेसला दारुण पराभवाला समोरं जावं लागलं आहे. नारायणगाव हे जुन्नर तालुक्यात आहे. तिथे राष्ट्रवादीच्या पॅनलचा दारुण पराभव झालेला आहे. 

Chhagan Bhujbal Vs Manoj Jarange : भुजबळांच्या 'करेंगे या मरेंगे'ला, जरांगेंचं 'लड़ेंगे भी और जीतेंगे भी' ने उत्तर; दोन्ही नेते आक्रमक

दुपारी ११ वाजेपर्यंत भाजपकडे ११३ ग्रामपंचायती, ठाकरे गटाकडे ४३ ग्रामपंचायती, काँगेसकडे ५५ ग्रामपंचायती, शरद पवार गटाकडे ४१ ग्रामपंचायती, अजित पवार गटाकडे १०० ग्रामपंचायती आणि इतरांकडे ५९ ग्रामपंचायती आलेल्या आहेत.

भाजपने सर्वाधिक ग्रामपंचायती जिंकलेल्या आहेत. आघाडी आणि युतींचा विचार केल्यास महायुतीकडे २९१, महाविकास आघाडीकडे १३९ आणि इतरांकडे ५९ ग्रामपंचायती आलेल्या आहेत. भाजपने ग्रामपंचायत निवडणुकीमध्ये वर्चस्व प्रस्थापित केल्याचं दिसून येत आहे.