Gokul Dudh Sangh : गोकूळमधील औषध खरेदीत घोटाळा?; लेटरबॉम्बमुळे गोकूळमध्ये खळबळ

कोल्हापूर जिल्हाच्या राजकारणात केंद्रस्थांनी असलेल्या गोकूळ दूध संघ घोटाळ्यांच्या आरोपांनी पुन्हा एकदा चर्चेत आलाय. गोकूळ दूधसंघाच्या औषध खरेदीत घोटाळा झाल्याचा दावा करणाऱ्या निनावी पत्राने राज्यात खळबळ उडालीय. या पत्रात घोटाळ्याचे धक्कादायक आरोप करण्यात आलेत.

कोल्हापूरच्या गोकूळ दूध संघाच्या कारभारावरून आरोप-प्रत्यारोपांच्या फैरी झडत असतात. त्यातच दोनच दिवसांपुर्वी गोकूळ दूध संघाच्या मुख्य कार्यालयात निनावी पत्र आलं आणि त्यात गोकूळच्या पशुसंवर्धन विभागाच्या औषध खरेदीत घोटाळा झाल्याचा दावा करण्यात आलाय.त्यावरून काही महिन्यांपूर्वी झालेल्या गोकुळ दूध संघातील दुधाची चोरी, वाहतुकीचे अंतर वाढवून केलेल्या 35 लाख रुपयांचा घोटाळा पुन्हा एकदा चर्चेत आलेला आहे. त्यातच घोटाळा उघडकीस आल्यानंतरही घोटाळेबाजांवर एफआयआर केली जात नाही. तोच धागा पकडून शौमिका महाडिकांनी गोकूळच्या कारभारावर टीका करत या घोटाळ्याची चौकशी करण्याची मागणी केलीय..निनावी पत्र हा खोडसाळपणा असल्याचा दावा गोकूळ दूध संघाचे कार्यकारी संचालकांनी म्हटलंय.