Vedaa Teaser : 'झगडना नही आता मुझे सिर्फ जंग लढनी आती है', जॉन अन् शर्वरीच्या 'वेदा'चा थरारक टीझर!

Vedaa Teaser Out : बॉलीवूडचा प्रसिद्ध अभिनेता जॉन अब्राहम अन् चर्चेतील अभिनेत्री शर्वरी वाघच्या बहुप्रतिक्षित अशा वेदाचा टीझर  प्रदर्शित झाला आहे. एका वेगळ्या विषयांवरील या चित्रपटातील टीझरला प्रेक्षकांचा मोठा प्रतिसाद मिळाला आहे. चाहत्यांनी त्यावर कौतुकाचा वर्षाव केला आहे. बऱ्याच दिवसांपासून वेदाच्या टीझरची चाहते वाट पाहत होते.

जॉन अन् शर्वरी  हे पहिल्यांदाच वेदाच्या माध्यमातून स्क्रिन शेयर करणार आहेत. यापूर्वी या चित्रपटाच्या पोस्टरला प्रेक्षकांची पसंती मिळाली होती. यात शर्वरीचा हटके स्वॅग अन् अंदाज चाहत्यांच्या प्रतिक्रियेचा विषय आहे. बाटला हाऊस, कल हो ना हो आणि सला ए इश्क नावाच्या चित्रपटांचे दिग्दर्शन करणाऱ्या निखिल अडवाणीनं  वेदाचे दिग्दर्शन केले आहे. या चित्रपटाच्या माध्यमातून तो चार वर्षानंतर कमबॅक करत असल्याचे सांगण्यात येत आहे.