Eknath Khadse : अखेर ठरलं! रावेरमध्ये खडसे विरुद्ध खडसे लढत होणार का? एकनाथ खडसेंनी स्पष्टचं सांगितलं

 

Eknath Khadse : जळगावच्या रावेरमधून महायुतीकडून भाजपच्या रक्षा खडसे पुन्हा लोकसभेच्या रिंगणात उतरल्या आहेत. त्यामुळे महाविकास आघाडीकडून एकनाथ खडसे किंवा रक्षा खडसेंच्या भावजय रोहिणी खडसे यांना उमेदवारी मिळण्याची शक्यता वर्तवली जात होत होती. मात्र आता रावेरमध्ये खडसेंविरुद्ध खडसे अशी लढत होणार असल्याचे खुद्द राष्ट्रवादी काँग्रेसचे नेते एकनाथ खडसे यांनी स्पष्ट केले आहे.

रावेर लोकसभा मतदार संघाची आढावा बैठक आज राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांच्या उपस्थित पार पडली. रावेर लोकसभा मतदार संघात महायुतीकडून रक्षा खडसे यांना पुन्हा उमेदवारी देण्यात आली आहे. त्यामुळे हा मतदार संघ राष्ट्रवादी शरद पवार गटाच्या वाट्याला आला असून या मतदार संघात कोणता उमेदवार द्यायचा यासंदर्भात ही महत्वाची बैठक होती.

Pune News : बॉयफ्रेंडच्या मदतीनं पत्नीनं केली पतीची हत्या; १ कोटी रुपयांच्या टर्म इन्शुरन्सवरही होता डोळा

या बैठकीसाठी एकनाथ खडसे ,रोहिणी खडसे, माजी आमदार संतोष चौधरी, रवींद्र पाटील उपस्थित होते. या बैठकीनंतर एकनाथ खडसे यांनी माध्यमांशी बोलताना रावेरमध्ये खडसेविरुद्ध खडसे लढत होणार नसल्याचे स्पष्ट केले आहे.

काय म्हणाले एकनाथ खडसे?

"रावेरमध्ये खडसे विरुद्ध खडसे लढाई होणार नाही. मी प्रकृतीच्या कारणास्तव निवडणूक लढणार नाही. तसेच रोहिणी खडसे यांनी विधानसभा लढवली होती, त्यामुळे त्याही उमेदवार नसणार आहेत. आम्ही सात - आठ इच्छुकांची छाननी केली आहे, "त्यातून एक जण उमेदवार राहिलं, असे एकनाथ खडसे म्हणाले.