Dombivli Crime News : शिकवणी वर्ग घेणाऱ्या शिक्षकाचे ८ वर्षीय मुलीवर अत्याचार; डोंबिवलीतील घटनेने संताप

Dombivli Crime News : डोंबिवलीत संतापजनक घटना घडली आहे. शिकवणी वर्ग घेणाऱ्या शिक्षकानं आठ वर्षीय मुलीवर लैंगिक अत्याचार केले. मानपाडा पोलीस ठाण्याच्या हद्दीत ही घटना घडली. या प्रकरणी मानपाडा पोलिसांनी शिक्षकाला अटक केली आहे. आरोपी त्याच्या मूळ गावी पळून जाण्याच्या तयारीत होता. त्याआधीच पोलिसांनी त्याच्या मुसक्या आवळल्या.

कल्याणमध्ये राहणारा शिक्षकजनरल नॉलेज या विषयाची शिकवणी घेतो. या कोचिंग क्लासमध्ये शिकणारी आठ वर्षीय मुलगी क्लासवरून घरी आल्यानंतर अस्वस्थ होती. तिची मानसिक स्थिती बघून कुटुंबीयांनी तिच्याकडे विचारणा केली. आधी तर मुलगी काही सांगण्याच्या मनस्थितीत नव्हती. मात्र तिला तिच्या कुटुंबीयांनी विश्वासात घेत विचारणा केली. त्यावेळी तिने जे सांगितले ती घटना ऐकून सर्वांना धक्काच बसला.

Ajit Pawar : अजित पवार तातडीने दिल्लीला जाण्याची शक्यता, कांदा निर्यात बंदीमुळे राजधानीतील हालचाली वाढल्या

मुलीच्या क्लासमधील शिक्षक तिच्यावर लैंगिक अत्याचार करत होता. मुलीने ही घटना सांगितल्यावर तिच्या नातेवाईकांनी मानपाडा पोलीस ठाण्यात धाव घेतली. मानपाडा पोलीस ठाण्याचे वरिष्ठ पोलीस निरीक्षक अशोक होनमाने यांनी त्वरीत संबंधित शिक्षकाला अटक करण्यासाठी पोलीस पाठवले.

पोलीस त्याच्या घरी पोहचले, त्यावेळी तो पळून जाण्याच्या तयारीत होता. पोलीस अधिकारी सुनील तारमळे यांनी त्याला तात्काळ ताब्यात घेतले. या प्रकरणात आरोपीला अटक करण्यात आली आहे. तसेच पुढील तपास एसीपी सुनिल कुऱ्हाडे आणि वरिष्ठ पोलीस निरीक्षक अशोक होनमाने यांच्या मार्गदर्शनाखाली पोलीस अधिकारी निशा चव्हाण करीत आहेत. या घटनेमुळे परिसरात एकच खळबळ उडाली आहे. या शिक्षकाच्या कृत्यामुळे परिसरातील नागरिक संताप व्यक्त करत आहेत.