Dog Bite: कुत्रा चावला, ३ इंजेक्शनही घेतले, पण..; उपचारादरम्यान ८ वर्षाच्या मुलाचा रुग्णालयातच मृत्यू

पराग ढोबळे, साम प्रतिनिधी

कुत्र्याने चावा घेतल्याने वर्ध्यात एका 8 वर्षीय मुलाचा मृत्यू झाल्याची घटना घडलीय. विशेष म्हणजे या मुलाने रेबीजचे तीन इंजेक्शन सुद्धा घेतले होते, तरीही या मुलाचा मृत्यू झाल्याने खळबळ उडालीय. कुत्रा चावल्यानंतर डॉक्टर दोन प्रकारच्या लस दिल्या जातात. पीडित व्यक्तीला तीन इंजेक्शन्स घ्यावे लागतात. त्यातील पहिलं इंजेक्शन कुत्रा चावल्यानंतर लगेच दिले जाते. कुत्रा चावल्यावर त्याच दिवशी पहिलं इंजेक्शन घेतलं जातं. तर दुसरं इंजेक्शन तीन दिवसांनी आणि तिसरे इंजेक्शन ७ दिवसांनी घेतलं जातं. त्यातून रेबीजपासून बचाव होत असतो.