Dhule Accident News : बाभळे फाटानजीक मालवाहू वाहनास अपघात, 15 वर्षाची मुलगी ठार; 25 जण जखमी

Dhule Accident News : मुंबई आग्रा महामार्गावरील शिरपूर तालुक्यातील बाभळे फाटा येथे मालवाहू वाहनाचा टायर फुटल्याने अपघात झाला. या दुर्घटनेत पंधरा वर्षीय मुलीचा दुर्दैवी मृत्यू झाल्याची माहिती घटनास्थळावरुन मिळाली. या अपघातात वीस ते पंचवीस मजूर जखमी झाले आहेत. त्यांना उपचारार्थ रुग्णालयात दाखल करण्यात आले आहे.

या घटनेबाबत मिळालेली माहिती अशी - मुंबईकडून मध्यप्रदेशकडे जात असताना मालवाहू वाहनाचा शिरपूर तालुक्यातील बाभळे फाटा येथे अपघात झाला. या वाहनातील सर्व प्रवासी हे मजूर असल्याची माहिती समोर आली आहे.

Pankaj Tadas : माझ्यावर विषप्रयोग झाला होता, पत्नीच्या आरोपानंतर पंकज तडस यांचा खुलासा

या दुर्घटनेत एका मुलीचा दुर्दैवी मृत्यू झाला. सुमारे पंचवीस मजूर जखमी झाले असून त्यांना तात्काळ शासकीय रुग्णालयात उपचारासाठी दाखल केले गेले आहे. यामधील सहा ते सात मजूरांची प्रकृती गंभीर बनली आहे. पाेलिस अधिक तपास करीत आहेत.