CSMT Railway Station : आजपासून सीएसएमटी स्थानकावर ब्लॉक; पुढील ३ महिने ‘हे’ प्लॅटफॉर्म बंद, अनेक गाड्या दादर–ठाण्यापर्यंतच धावणार

Mumbai : बोरिवली ते कांदिवली ते दरम्यान असलेला 1 महिन्याचा ब्लॉक नुकताच संपला असला तरीही प्रवाशांचे हाल कायम राहणार आहेत. कारण आजपासून (1 February) सीएसएमटी रेल्वे स्थानकावर तब्बल 85 दिवसांचा ब्लॉक सुरू झाला आहे. यामुळे 1 फेब्रुवारी ते 26 एप्रिलपर्यंत प्रवाशांना थोडा त्रास सहन करावा लागणार आहे.

ब्लॉक मगाचं कारण काय?
डिसेंबर 2022मध्ये मध्य रेल्वेनं सीएसएमटी स्थानकाच्या (CSMT Railway Station) पुनर्विकास प्रकल्पाला मंजुरी दिली होती. यासाठी एकूण 2,450 कोटींचा खर्च अपेक्षित आहे. या प्रकल्पांतर्गत स्थानकावरील दोन प्लॅटफॉर्मचा पुनर्विकास केला जाणार आहे. त्यामुळे पुढील 85 दिवस म्हणजेच 3 महिने हे दोन्ही प्लॅटफॉर्म बंद राहतील. रेल लँड डेवलपमेंट अथॉरिटी हे पुनर्विकासाचं काम करत असून शुक्रवारी याबद्दल मध्य रेल्वेने महिती दिली.

Thane Crime : आईच्या कुशीतून तीन महिन्यांची चिमुकली पळवली; लोकलमधून पसार होण्याचा प्रयत्न, पण एका कारणामुळे ६ दिवसांत सापडली

कोणते प्लॅटफॉर्म बंद राहणार?
या ब्लॉकमुळे आजपासून प्लॅटफॉर्म क्रमांक 16 आणि 17 बंद राहणार आहेत. यामुळे या दोन्ही प्लॅटफॉर्मवर थांबणाऱ्या लांब पल्ल्यांच्या ट्रेन आता दुसऱ्या स्थानकावर थांबणार आहेत. यामुळे सामान्य लोकल ट्रेनच्या वेळापत्रकावर फारसा परिणाम होणार नसला तरी काही लोकल विलंबाने धावतील.

कोणत्या एक्सप्रेसवर परिणाम?
या ब्लॉकमुळे सीएसएमटी येथे येणाऱ्या अनेक लांब पल्ल्याच्या गाड्या दादरपर्यंतच थांबवण्यात येतील. दादरपर्यंत थांबवण्यात येणाऱ्या गाड्यांमध्ये अमरावती–सीएसएमटी एक्सप्रेस (12112), बल्लारशाह–सीएसएमटी नंदीग्राम एक्सप्रेस (110002), हावडा–सीएसएमटी एक्सप्रेस (12810), भुवनेश्वर–सीएसएमटी कोणार्क एक्सप्रेस (11020), बिदर–सीएसएमटी एक्सप्रेस (22144) / लातूर–सीएसएमटी एक्सप्रेस (22108) आणि मडगाव–सीएसएमटी तेजस एक्सप्रेस (22120) यांचा समावेश आहे. शिवाय मंगळुरू - सीएसएमटी एक्सप्रेस (12134) ठाण्यापर्यंतच थांबेल. तरी प्रवाशांनी याची दखल घ्यावी असे अवाहान मध्य रेल्वेनं केलं आहे

सीएसएमटी रेल्वे स्थानकाच्या पुनर्विकास प्रकल्पात एकूण 461,534 चौरस मीटर जागेचा समावेश आहे. यामध्ये प्रवाशांना सुविधा देणाऱ्या स्वतंत्र इमारती, पार्सल सेवा, मेल/एकस्प्रेस आणि लोकल ट्रेनला जोडणारे डेक, नवे पादचारी पूल, स्कायवॉक अशा गोष्टींचा समावेश आहे. ही कामं पूर्ण होताच सीएसएमटी रेल्वे स्थानक प्रवासासाठी अधिक सुखकर होणार आहे.