CSK vs RCB Live : रॉबिन उथप्पा-शिवम दुबे जोडी जमली

IPL 2022, CSK vs RCB :  चेन्नई सुपर किंग्ज विरुद्धच्या लढतीत रॉयल चॅलेंजर्सचा कर्णधार फाफ ड्युप्लेसीसनं टॉस जिंकलाय. त्याने पहिल्यांदा गोलंदाजी करण्याचा निर्णय घेतला आहे. चेन्नईचा संघ स्पर्धेत पहिल्या विजयाच्या प्रतिक्षेत असून नाणेफेक गमावल्यानंतर त्यांच्यावर पहिल्यांदा बॅटिंग करुन टार्गेट सेट करण्याची वेळ आलीये. रॉबिन उथप्पा-शिवम दुबे जोडी जमली

सलामीवीर ऋतूराज गायवाड स्वस्तात माघारी फिरल्यानंतर मोईन अलीनं रन आउटच्या रुपात विकेट फेकली. दोन विकेट पडल्यावर मैदानात उतरलेल्या शिवम दुबनं सलामीवीर रॉबिन उथप्पाच्या साथीनं संघाचा डाव सावरणारी खेळी केली. दोघांची जोडी चांगलीच जमली आहे.

ऋतूराज गायकवाड बाद झाल्यानंतर चेन्नई सुपर किंग्जने मोईन अलीला बढती दिली. मागील सामन्यात त्याने फटकेबाजी केली होती. पण या सामन्यात धावबाद होत तो अवघ्या 3 धावांवर माघारी फिरला.

आयपीएलच्या यंदाच्या हंगामात धावांसाठी संघर्ष करणाऱ्या ऋतूराजने यावेळी दुहेरी आकडा पार केला. पण 17 धावांवर हेजलवूडने त्याला तंबूचा रस्ता दाखवला.

आरसीबीचा कर्णधार फाफ ड्युप्लेसीस यांने टॉस जिंकून पहिल्यांदा गोलंदाजी करण्याचा निर्णय घेतला आहे. चेन्नईचा संघ पहिल्यांदा बॅटिंग करेल