बेगुसराय : धक्कादायक! शाळेच्या बाथरूममध्ये 7 वर्षाच्या चिमुरडीवर बलात्कार; आरोपीनं मैत्रिणीच्या गालाचाही घेतला चावा

बेगुसराय : होळीच्या दिवशी बेगुसराय इथं एका सात वर्षीय चिमुरडीवर बलात्कार करण्यात आला आहे. ही घटना घडवणाऱ्या आरोपीला पोलिसांनी अटक केलीये.

एसपी योगेंद्र कुमार यांनी दिलेल्या माहितीनुसार, बुधवारी साहेबपूर कमल पोलिस स्टेशन हद्दीतील पचवीर चौकाजवळ दुसऱ्या समुदायातील मुलानं दोन अल्पवयीन मुलींवर बलात्कार आणि विनयभंग केल्याचं वृत्त आहे. माहिती मिळताच बलियाचे डीएसपी आणि साहेबपूर कमल पोलीस ठाण्याचे प्रमुख घटनास्थळी पोहोचले. पीडित मुलींना बेगुसराय येथील रुग्णालयात उपचारासाठी आणण्यात आलं आहे.

मिळालेल्या माहितीनुसार, पचवीरच्या दोन अल्पवयीन मुली बुधवारी दुपारी काही वस्तू घेण्यासाठी बाजारात गेल्या होत्या. बाजारातून परतत असताना दोन्ही मुली शाळेच्या आवारात लावलेल्या झुल्यावर खेळत होत्या. दरम्यान, शाळेच्या शेजारी सुरू असलेल्या चहाच्या टपरीतून दोन मद्यधुंद तरुण तिथं आले आणि त्यांनी मुलींचा विनयभंग सुरू केला.

या भीतीनं 7 वर्षांची मुलगी शौचालयात लपली, त्यानंतरआरोपीनं तिच्यावर बलात्कार केला. 9 वर्षीय मुलीनं विरोध केला असता आरोपीनं तिच्या गालाचा चावा घेतला आणि तिलाही दुखापत झाली. यानंतर दोघींना बागेत फेकून दिलं.

घटनेची माहिती मिळताच डीएसपी आणि एसडीओ पथकासह घटनास्थळी पोहोचले. या घटनेमुळं संतप्त झालेल्या लोकांना समज देऊन शांत करण्यात आलं. ही घटना गांभीर्यानं घेत डीएसपी कुमार वीर धीरेंद्र यांच्या नेतृत्वाखाली गठित बलिया यांनी तपास करून आरोपी राजकुमार उर्फ ​​छोटू महतो याला शेतातून ताब्यात घेतलं. छोटूच्या सांगण्यावरून दुसरा आरोपी बबलू कुमार यालाही अटक करण्यात आलीये. दोघांवर पोक्सो कायद्यान्वये (POCSO Act) गुन्हा दाखल करण्यात आला आहे.