CM Eknath Shinde : 'ते' सावरकरांचा अपमान करणाऱ्यांसोबत फिरताहेत; राहुल गांधींचा उल्लेख करत मुख्यमंत्र्यांचा ठाकरेंवर निशाणा

CM Eknath Shinde : केंद्रीय निवडणूक आयोगाकडून लोकसभा निवडणुकीची घोषणा काही तासांत होण्याची शक्यता आहे. आगामी लोकसभा निवडणुकीच्या घोषणेआधीच आज शनिवारी कॅबिनेटमध्ये राज्य सरकारकडून महत्वाचे निर्णय घेण्यात आले. या कॅबिनेटनंतर मुख्यमंत्री एकनाथ शिंदे यांनी पत्रकार परिषद घेतली. यावेळी मुख्यमंत्री शिंदे यांनी राहुल गांधींच्या भारत जोडो न्याय यात्रेवरून उद्धव ठाकरेंवर टीका केली. 'वीर सावरकरांचा अपमान झाला तरी स्वतः ला हिंदुत्वादी म्हणतात, ते त्यांच्यासोबत फिरतात, अशा शब्दात मुख्यमंत्री शिंदे यांनी टीका केली.