Chhatrapati Sambhajinagar : पैशाच्या वादातून गोळीबार! भररस्त्यात तरुणाला संपवलं; छत्रपती संभाजीनगर शहरात खळबळ

Chhatrapati Sambhajinagar Crime : छत्रपती संभाजीनगर शहरातून एक धक्कादायक बातमी समोर आली आहे. छत्रपती संभाजीनगर शहरातील बायजीपुरा भागात भर रस्त्यात गोळीबार करण्यात आला आहे. या गोळीबारात एक जण जागीच ठार झाला तर एक जण गंभीर जखमी झाला. या घटनेने परिसरात एकच खळबळ उडाली आहे. 

याबाबत अधिक माहिती अशी की, साडेसात हजार रुपये परत करण्यासाठी तगादा लावणाऱ्या तरुणाची गोळ्या झाडून हत्या केल्याची खळबळजनक घटना संभाजीनगर शहरात घडली आहे. संभाजीनगर शहरातीस बायजीपुरा भागात ही घटना घडली.

Crime News: भररस्त्यात पत्रकाराला मारहाण; राऊत शिंदे गटावर भडकले, "हे कायद्याचे राज्य आहे का?"

भररस्त्यात तरुणावर चार राऊंड फायर करण्यात आले. ज्यामध्ये त्याचा जागीच मृत्यू झाला. या घटनेत एक जण जखमी झाला आहे. हमद सलेह अब्दुल्ला कुतुब ( वय २४,रा. गली नंबर १४, बायजीपुरा ) असे या घटनेतील मृत तरुणाचे नाव आहे. तर, गोळीबार करणाऱ्याचे नाव फैयाज पटेल (रा. गली नंबर २१ बायजीपुरा) असे असल्याचे सांगण्यात येत आहे.

दरम्यान, छत्रपती संभाजीनगर शहरात मागच्या आठवड्यात घरात घुसून गोळीबार केल्याची घटना घडली होती. त्यानंतर आता भररस्त्यात हत्येचा थरार रंगल्याने परिसरात भितीचे वातावरण पसरले आहे. पोलीस याबाबत अधिक तपास करत आहेत.