Chhagan Bhujbal Threat : मंत्री छगन भुजबळांना तरुणाने धमकावलं, सलग १२ मॅजेस पाठवले; पोलिसांत गुन्हा दाखल

Chhagan Bhujbal Threat : राज्याचे अन्न व नागरी पुरवठा ग्राहक संरक्षण मंत्री छगन भुजबळ यांना पुन्हा एकदा जीवे मारण्याची धमकी मिळाली. एका तरुणाने भुजबळ यांना धमकीचे सलग १२ मॅसेज पाठवले. याप्रकरणी राष्ट्रवादी काँग्रेसचे जिल्हा कार्याध्यक्ष मनोज घोडके यांच्या तक्रारीवरून पोलिसांनी धमकी देणाऱ्या तरुणाविरोधात अदखलपात्र गुन्हा दाखल केला आहे.

छत्रपती संभाजीनगर शहरातील पुंडलिक नगर पोलीस ठाण्यात हा गुन्हा दाखल करण्यात आला आहे. सौदागर सातनाक, असं गुन्हा दाखल झालेल्या तरुणाचं नाव आहे. मागील काही दिवसांपासून मंत्री छगन भुजबळ यांना सातत्याने जीवे मारण्याच्या धमक्या येत आहेत.

Bacchu Kadu : “…तर छगन भुजबळ मुख्यमंत्री बनतील”, मराठा-ओबीसी वादावर बच्चू कडूंचं सूचक विधान

हीच बाब लक्षात घेता, पोलिसांनी भुजबळ यांच्या निवास्थानाबाहेरील बंदोबस्त वाढवला आहे. इतकंच नाही, तर भुजबळ यांच्या ताफ्यातील सुरक्षेत देखील वाढ करण्यात आली आहे. गुरुवारी पुन्हा एकदा एका तरुणाने  छगन भुजबळ  यांना धमकी दिली.