Chhagan Bhujbal : नाशिकमध्ये पुन्हा ट्विस्ट; छगन भुजबळांनी निवडणूक लढावी, समता परिषद आणि ओबीसी संघटनांचा बैठकीत ठराव

Chhagan Bhujbal : महायुतीत नाशिक लोकसभा मतदारसंघाच्या जागेवरून पुन्हा ट्विस्ट निर्माण झाला आहे. महायुतीच्या जागावाटपात छगन भुजबळ यांनी नाशिकच्या जागेवरील दावा सोडल्यानंतर ही जागा शिंदे गटाला मिळाल्याचं बोललं जात आहे. नाशिकच्या जागेसाठी शिंदे गटाकडून हेमंत गोडसे आणि अजय बोरस्ते इच्छुक आहेत. या जागेवरून सोमवारी रात्रीपासून शिंदे गटाच्या नेत्यांमध्ये खलबतं सुरु आहेत. अशात नाशिक लोकसभेची जागा छगन भुजबळांनी लढावी, असा ठराव समता परिषद आणि ओबीसी संघटनांनी बैठकीत केला आहे. या ठरावामुळे छगन भुजबळांच्या भूमिकेकडे साऱ्यांचे लक्ष लागलं आहे.