Chhagan Bhujabal: मंत्री छगन भुजबळांची प्रकृती बिघडली, पुढील उपचारासाठी मुंबईला हलवलं

मंत्री छगन भुजबळ यांची प्रकृती अचानक बिघडल्याची माहिती समोर आली आहे. पुढील उपचारासाठी तातडीने त्यांना मुंबईला हलवण्यात आले आहे. छगन भुजबळ यांचे आजचे सर्व कार्यक्रम रद्द करण्यात आले आहे. त्यांची प्रकृती बिघडल्यामुळे कार्यकर्ते चिंतेत आले आहेत.

मिळालेल्या माहितीनुसार, आज सकाळी छगन भुजबळ यांच्या पोटात दुखू लागले. त्यामुळे नाशिक येथील एका खासगी रुग्णालयात सिटीस्कॅन आणि अन्य काही तपासण्या करण्यात आल्या होत्या. पण छगन भुजबळ यांची प्रकृती आणखी खालवल्यामुळे त्यांना अधिक उपचारासाठी मुंबईला रवाना करण्यात आले आहेत. मुंबईतील खासगी रुग्णालयात त्यांच्यावर उपचार केले जाणार आहेत. त्यांचे आजचे सर्व दौरे आणि कार्यक्रम रद्द करण्यात आले आहेत.