BMC Election : मुंबईत आजपासून वाहतूक बदल; सायन, मालाड परिसरातील रस्ते बंद, वाहनांना वळणमार्ग

Mumbai : मुंबईत 15 जानेवारी रोजी महापालिका निवडणुकांसाठी मतदान होणार आहे. त्या पार्श्वभूमीवर आजपासूनच मुंबईतील अनेक भागांत वाहतुकीवर निर्बंध लावण्यात आले असून, काही मार्गांवरील वाहतूक वळवण्यात आली आहे. सोमवार, 13 जानेवारी रोजी सकाळी 10 वाजल्यापासून हे निर्बंध लागू झाले असून, नागरिकांनी घराबाहेर पडण्यापूर्वी वाहतूक बदलांची माहिती घेऊनच प्रवासाचे नियोजन करावे, असे आवाहन करण्यात आले आहे.

मुंबई पोलिसांच्या वाहतूक विभागाने निवडणुकीसाठी लागणाऱ्या वाहनांच्या हालचालींसाठी काही रस्ते तात्पुरते बंद ठेवण्याचा निर्णय घेतला आहे. मुंबईच्या मध्यवर्ती भागातील सायन परिसरात विशेषतः वाहतूक वळवण्यात आली आहे. हे निर्बंध मंगळवार सकाळी 10 वाजल्यापासून शनिवार, 17 जानेवारी मध्यरात्रीपर्यंत लागू राहणार आहेत. निवडणुकीसाठी सायन पूर्वेतील वार्ड क्रमांक 172 ते 181 मध्ये ईव्हीएम मशीन ने-आण करण्याचे काम सुरू असणार आहे.

Kolhapur Crime : पुण्यातील येरवड्यातील दोस्ती ठरली घातक? जेलमधून बाहेर येताच किणी टोलनाक्याजवळ गोंधळ, CCTV फुटेज समोर

प्रवेशबंदी असलेले रस्ते
(स्थानिक रहिवाशांच्या वाहनांव्यतिरिक्त)
रस्ता क्रमांक 24-बी, सायन पूर्व: सन स्टोन इमारतीपासून अभिनंदन सहकारी गृहनिर्माण संस्था (प्लॉट क्रमांक 149) ते किस्मत लाँड्रीपर्यंत
आर. एल. केळकर मार्ग, सायन पूर्व: सन स्टोन इमारतीपासून भावेश्वर कुंजपर्यंत
स्वामी वल्लभदास रोड, सायन पूर्व: सन स्टोन इमारतीपासून यशोधन इमारतीपर्यंत

पर्यायी मार्ग कोणते?
कोणतेही ठराविक पर्यायी मार्ग जाहीर करण्यात आले नसले तरी, प्रवाशांनी सायन-ट्रॉम्बे रोड किंवा ईस्टर्न एक्सप्रेस हायवे यांसारख्या जवळच्या मुख्य मार्गांचा वापर करावा, असा सल्ला देण्यात आला आहे. नियमांचे उल्लंघन करणाऱ्यांवर मोटार वाहन कायदा आणि इतर लागू कायद्यांनुसार कारवाई केली जाणार आहे.

पश्चिम मुंबईतील वाहतूक निर्बंध
याशिवाय, पश्चिम मुंबईतील कांदिवली आणि मालाड परिसरातही वाहतूक वळवण्यात आली आहे.
वसांजी लालजी रोड: मातोश्री झुणका भाकर केंद्रापासून चंद्रेश वाईन शॉपपर्यंत
बजाज रोड: एसव्ही रोड जंक्शनपासून बजाज शाळेपर्यंत
बजाज क्रॉस रोड क्रमांक 1: सम्राट बिल्डिंगपासून सुपर शॉपिंग कॉम्प्लेक्स/टॉप-10 शॉपपर्यंत
मार्वे रोड (माधच्या दिशेने जाणारा उत्तर मार्ग): कच्च्या रस्त्यापासून बाफिरा जंक्शनपर्यंत

पर्यायी मार्गांचा वापर
प्रवीण संघवी रोडवरून उजवीकडे वळून नेहरू रोडमार्गे एसव्ही रोडवर जा
नारायण जोशी रोडवरून डावीकडे वळून स्टेशन परिसर आणि दळवी रोडमार्गे एसव्ही रोड गाठा
मार्वे रोडच्या दक्षिण दिशेकडील मार्गाचा वापर करा

वाहतूक निर्बंधांचे पालन न करणाऱ्या वाहनचालकांवर कठोर कारवाई केली जाईल, असा इशारा मुंबई पोलिसांनी दिला आहे.