Bhandara Accident News : मजुरांच्या वाहनाला अपघात; ७ महिला गंभीर जखमी

Bhandara Accident News :  एका गावातून दुसऱ्या गावी मंजुरीने शेतीच्या कामासाठी जात असलेल्या मजुरांच्या वाहनाला अपघात  झाला. चारचाकी गाडी पलटी झाल्याने वाहनातील ७ महिला मजूर गंभीर जखमी झाल्या आहेत. जखमींना तातडीने भंडारा येथील जिल्हा रुग्णालयात उपचारासाठी दाखल करण्यात आले. 

भंडारा  जिल्ह्यातील करडी गावाजवळ हा अपघात झाला. सद्या शेतीच्या कामांची लगबग सुरु असून गावात मजूर मिळत नसल्याने दुसऱ्या गावातून शेतीकामासाठी मजूर आणले जातत्. याकरिता वाहनांची सुविधा केली जात असते. अशाच प्रकारे जांभोरा गावातून १९ महीला व दोन पुरुष हे चारचाकी गाडीने तोंडरी येथे शेतीच्या कामाकरीता जात होते. याच दरम्यान त्यांच्या गाडीला अपघात झाला. 

Government Employees Strike : सरकारी कर्मचारी रस्त्यावर; ठिकठिकाणी कामबंद आंदोलन, राज्यभरात नेमकं काय घडतंय?

गाडी झाली अनियंत्रित 

गाडी चालकाचे गाडीवरील नियंत्रण सुटल्याने गाडी पलटी झाली. गाडी पलटी झाल्याने बसलेल्या महिलांनी जोरात आरोड्या मारल्या. यानंतर आजूबाजूच्या परिसरात असलेल्या नागरिकांनी घटनास्थळी धाव घेतली. या अपघातात मजुरीसाठी जात असलेल्या ७ महिलांना जास्त मार लागला असल्याने त्यांना भंडारा जिल्हा सामान्य रुग्णालयात हलविण्यात आले. उर्वरित लोकांना प्रथमोपचार करुन घरी पाठविण्यात आले आहे.