Beed Accident : चारचाकीची दुचाकी, बैलगाडीला धडक; एकाचा मृत्यू, ३ जण जखमी; बैलांचेही मोडले पाय

Beed Accident : बीडच्या माजलगाव- तेलगाव महामार्गावरील नित्रुड येथे आज दुपारच्या सुमारास तिहेरी अपघात झाला. या विचित्र अपघातात एका जणांचा जागीच मृत्यू झाला. तर अन्य तीनजण गंभीर जखमी झाल्याची घटना घडली आहे. जखमीत एक तीन वर्षाचा मुलगा व दोन महिलांचा समावेश आहे. 

तेलगावकडून माजलगावकडे जाणाऱ्या बैलगाडी आणि दुचाकीला एका भरधाव वेगाने येणाऱ्या चार चाकी वाहनाने जोरदार धडक दिल्याने हा भीषण अपघात झाला आहे. या अपघातात दुचाकीवरील रतन कांबळे (वय ४५) हे फेकले गेल्याने त्यांच्या डोक्याला मार लागला. यात त्यांचा जागीच मृत्यू झाला. तर त्यांच्यासोबत असलेल्या  मनीषा सुरेश वाघमारे (वय ४०) व लक्ष्मी लखन कदम (वय ३०) व कार्तिक लखन कदम (वय ३) हे गंभीर जखमी झाले आहेत. त्यांना लागलीच रुग्णालयात दाखल करण्यात आले आहे. 

Sharad Pawar : पुन्हा एकत्र येण्याची गरज पडल्यास अजित पवारांना मदतीचा हात द्याल का? शरद पवार म्हणाले

महामार्गावर चारचाकी गाडीने दुचाकीसह समोरून येणाऱ्या बैलगाडीला देखील जोरदार धडक दिली. बैलगाडीला धडक बसल्याने दोन्ही बैलाचे पाय मोडले आहेत. दरम्यान याप्रकरणी माजलगाव ग्रामीण पोलीस ठाण्यात गुन्हा दाखल करण्यात आला.