Baramati News: बारामतीत पोलिसच असुरक्षित? स्टंट करताना हटकल्याने तरुणाची सटकली, थेट पोलिसाच्या अंगावर घातली कार

Baramati : बारामतीमध्ये रस्त्यावर स्टंटबाजी करणाऱ्या कार चालकाकडून पोलिस हवालदाराला जीवे मारण्याचा प्रयत्न करण्यात आल्याची धक्कादायक घटना समोर आली आहे. रस्त्यावर स्टंटबाजी करतो म्हणून पोलिसांनी हटकलं त्यामुळे या तरुणाची सटकली. या तरुणाने थेट कार पोलिसाच्या अंगावर घातली. या घटनेत पोलिस हवालदार गंभीर जखमी झालेत. पोलिस या प्रकरणाचा तपास करत आहे.

रात्रीच्या वेळी रस्त्यावर स्टंट करणाऱ्या कार चालकाला पोलिसाने हटकले. त्यामुळे या तरुणाने बारामतीत एका पोलिस हवालदाराच्या अंगावर कार घालून त्याला जीवे मारण्याचा प्रयत्न केला. या घटनेत बारामती तालुका पोलिस ठाण्यातील पोलिस हवालदार गंभीर जखमी झाला आहे. संतोष दत्तू कांबळे असं या जखमी पोलिस हवालदाराचे नाव आहे.

Women Health : मराठवाड्यातील महिलांचे आरोग्य धोक्यात, मासिक पाळीची माहितीच नाही; सर्वेक्षणातून धक्कादायक वास्तव उघड

या प्रकरणी अज्ञात कार चालकावर बारामती तालुका पोलिस ठाण्यात गुन्हा दाखल करण्यात आला. जखमी पोलिस हवालदार कांबळे यांना बारामतीमधील भाग्यजय हॉस्पिटलमध्ये उपचारासाठी दाखल करण्यात आले. त्यांच्यावर सध्या उपचार सुरू आहेत. त्यांना गंभीर दुखापत झाली आहे.

बारामती शहरातील विद्या प्रतिष्ठानकडे जाणाऱ्या रस्त्यावर २९ मे रोजी रात्री साडेनऊ वाजण्याच्या सुमारास ही घटना घडल्याची माहिती समोर आली आहे. या घटनेमुळे बारामतीमध्ये पोलिसच सुरक्षित नसल्याचे म्हटले जात आहे. या घटनेची गंभीर दखल घेत कारचालकाविरोधात गुन्हा दाखल करण्यात आला असून अवघ्या काही तासांत त्याला अटक करण्यात आली आहे.