Appasaheb Dharmadhikari: आप्पासाहेब धर्माधिकारी यांच्याकडून २५ लाखांचे मानधन मुख्यमंत्री सहाय्यता निधीला

Appasaheb Dharmadhikari News: ज्येष्ठ निरूपणकार आप्पासाहेब धर्माधिकारी यांना यंदाच्या महाराष्ट्र भूषण पुरस्काराने गौरवण्यात आले. केंद्रीय गृहमंत्री अमित शाह यांच्या हस्ते आप्पासाहेब धर्माधिकारी यांना महाराष्ट्र भूषण पुरस्कार प्रदान करण्यात आला. या सोहळ्यात डॉ. आप्पासाहेब धर्माधिकारी यांनी २५ लाखांचे मानधन मुख्यमंत्री सहाय्यता निधीला देण्याची घोषणा केली आहे. 

आप्पासाहेब धर्माधिकारी या सोहळ्यात उपस्थितांना संबोधित करताना म्हणाले, 'आजचा हा पुरस्कार माझ्या कार्याचा गौरव आहे, नानासाहेबांनी कष्ट केलं आणि तुम्ही साथ दिली, आजच्या या पुरस्काराचं संपूर्ण श्रेय तुम्हाला जातं. एका घरात दुसरा पुरस्कार देणं ही घटना महाराष्ट्रात आतापर्यंत कुठेही झाली नाही'.