NCP Candidate List : अजित पवारांच्या राष्ट्रवादीची तिसरी यादी जाहीर, नवाब मलिक यांच्या नावाची घोषणा नाहीच

Ajit Pawar NCP Third Candidate List : अजित पवारांच्या राष्ट्रवादी काँग्रेसकडून विधानसभ उमेदवारांची तिसरी यादी आज जाहीर करण्यात आली. सुनील तटकरे यांनी आज चार मतदारसंघातील उमेदवारांची घोषणा केली. त्यामध्ये फलटण, निफाड, पारनेर आणि गेवराई या मतदारसंघाचा समावेश आहे. अजित पवारांच्या राष्ट्रवादी काँग्रेसकडून आतापर्यंत ४९ उमदेवारांची घोषणा करण्यात आली आहे. दरम्यान, तिसऱ्या यादीमध्येही नवाब मलिक यांच्या नावाची घोषणा कऱण्यात आलेली नाही. नवाब मलिक निवडणूक लढवण्यावर ठाम आहेत.

आज जाहीर झालेले उमेदवार -

फलटण - सचिन पाटील

निफाड - दिलीप बनकर

पारनेर - काशिनाथ दाते

गेवराई - विजयसिंह पंडीत

Nashik : नाशिकमध्ये माय-लेकासह मामाचा नदीत बुडून मृत्यू; दिवाळीच्या तोंडावर कुटुंबावर शोककळा

नाशिकच्या निफाड पिंपळगाव मतदारसंघात विद्यमान आमदार दिलीप काका बनकर यांना पुन्हा एकदा उमेदवारी देण्यात आली आहे. अजित पवारांच्या राष्ट्रवादी काँग्रेस पक्षाकडून दिलीप बनकर यांच्यावरच दुसऱ्यांदा विश्वास दाखवलाय. भाजपाचे यतीन कदम यांनी देखील या जागेवर दावा करत अजित पवारांची भेट घेतली होती. गेल्या काही दिवसांपासून या मतदारसंघात महायुतीकडून कोण उमेदवार असेल याबाबत चर्चा सुरु होत्या, आज यावर शिक्कामोर्तब झालेय.

राष्ट्रवादी काँग्रेस पक्षाकडून पारनेर विधानसभा मतदारसंघातून माजी जिल्हा परिषद सदस्य काशिनाथ दाते यांना उमेदवारी देण्यात आली आहे. महाविकास आघाडी कडून राणी लंके जाहीर झाली असून आता पारनेर मतदारसंघात काशिनाथ विरुद्ध राणी रंगी असा सामना रंगणार आहे मात्र महायुतीमध्ये अजूनही काही नेते उमेदवारीसाठी इच्छुक होते, ते काय भूमिका घेतात? याकडेच आता सर्वांचे लक्ष लागले आहे.