Ajit Pawar Death: मी सुद्धा ४-५ वेळा त्याच विमानाने प्रवास केला होता, अजित पवारांच्या अपघाताबाबत मुख्यमंत्र्यांचं मोठं विधान

महाराष्ट्राचे उपमुख्यमंत्री अजित पवार यांच्या विमानाला अपघात होऊन २५ दिवस पूर्ण झाले. तरी देखील हा अपघात नेमका कशामुळे झाला होता यामागचे कारण समोर आले नाही. या अपघाताबाबत अनेक प्रश्न उपस्थित केले जात आहे. हा अपघात नसून घातपात असल्याचे मत अनेक राजकीय नेत्यांनी व्यक्त केले. विधानसभेच्या अर्थसंकल्पीय अधिवेशनापूर्वी राज्याचे मुख्यमंत्री देवेंद्र फडणवीस यांनी या अपघाताबाबत मोठं विधान केले. 'अजित पवारांच्या ज्या विमानाला अपघात झाला. त्या विमानातून मी ४-५ वेळा प्रवास केला होता,', असे मुख्यमंत्री म्हणाले.