Accident : लग्नाहून परतताना मृत्यूने गाठले; भीषण अपघातात ५ मित्रांचा करुण अंत

पोलिसांनी दिलेल्या माहितीनुसार, शुक्रवारी सोनीपत जिल्ह्यातील घाडवाल ते भावड रस्त्यावर स्कॉर्पिओ (HR 98 B 9988) चालकाचा ताबा सुटला. त्यामुळे भरधाव वेगात असलेली कार रस्त्याच्या कडेला असलेल्या झाडाला धडकली. या कारमध्ये ७ मित्र प्रवास करत होते. त्यामधील ५ जणांचा जागीच मृत्यू झाला. अपघात इतका भयंकर होता की गाडीचा चक्काचूर झाला. अपघातानंतर स्थानिकांनी तात्काळ जखमींना रूग्णालयात दाखल केले. या अपघातात गोलू, अंकुश, दीपक, सतबीर आणि सागर यांचा मृत्यू झाला.