Samruddhi Mahamarg Accident :

Samruddhi Mahamarg Accident : समृद्धी महामार्गावर अपघातांची मालिका चालूच आहे. आज वाशिम जिल्ह्यात ट्रक आणि बोलेरो पिकअपचा अपघात झाला आहे. यामध्ये दोन जण गंभीर जखमी झाले आहेत शिवाजी पार्क मंगरुळपीर तालुक्यातील शेंदूरजना मोरे येथील ओव्हरब्रिजजवळ तीन वाहनांचा अपघात झाला आहे. या अपघातामध्ये दोघेजण गंभीर जखमी झालेले आहेत.

या अपघातात वाहनातील द्राक्ष आणि कांदे महामार्गावर पडले (आहेत. बोलेरो पिक गाडीचे आणि त्यामधील मालाचे मोठ्या प्रमाणात नुकसान झालं आहे. लासलगावहुन नागपूरकडे कांदा घेऊन जाणारा ट्रक सकाळी पलटी झाला. पलटी झालेला ट्रक ओव्हर ब्रिजसमोर होता. त्यामुळे मागुन येत असलेल्या ट्रकने अचानक ब्रेक दाबले.

MNS Padwa Melava : शिवाजी पार्कवर मनसेचा गुढीपाडवा मेळावा; वाहतुकीत मोठे बदल

त्यामागून येणाऱ्या भरधाव वेगाने नाशिकहुन नागपूरकडे द्राक्षे घेऊन जाणारी बोलेरो पिक गाडीने अचानक थांबलेल्या समोरील ट्रकला मागुन जोरदार धडक दिली. त्यामुळे तीन वाहनांचा अपघात झाला. अपघातामधील सर्व द्राक्ष आणि कांदे रस्त्यावर पडले. द्राक्ष वाहतूक करणाऱ्या गाडीतील चालक आणि वाहक घनश्याम पटेल तसंच राजा अहिरवल गंभीररीत्या जखमी झाले आहे.

कांदा वाहतूक करणाऱ्या ट्रकमधील चालकालाही किरकोळ दुखापत झाली आहे. या अपघाताची माहिती मिळताच समृद्धी महामार्गावरील रेस्क्यू टीम आणि पोलीस प्रशासन यांनी घटनास्थळी धाव घेतली. जखमींना तात्काळ समृद्धी महामार्गावरील रुग्णवाहिकेच्या साहाय्याने नजीकच्या रुग्णालयात दाखल करण्यात केलं आहे.

समृद्धी महामार्ग अपघातांमुळे जास्त चर्चेत आहे. या महामार्गावर अपघाताचं सत्र सुरूच असल्याचं दिसत आहे. छत्रपती संभाजीनगरमध्ये कंटेनरला कारने जोरदार धडक दिल्याची घटना आज सकाळी घडली.