राज ठाकरेंविरोधात अजामीनपात्र वॉरंट जारी; परळी न्यायालयात आज हजर राहणार

परळी पोलीस ठाण्यातही गुन्हा दाखल झाला होता. या प्रकरणात तपास पूर्ण करून न्यायालयात आरोपपत्र दाखल करण्यात आल्यानंतर राज ठाकरे आणि कार्यकर्त्यांना जामीन मंजूर झाला आहे. मात्र, न्यायालयात गैरहजर राहिल्याने त्यांच्याविरुद्ध ६ जानेवारी २०२२ ला अजामीनपात्र वॉरंट काढत, १० फेब्रुवारी २०२२ पर्यंत हजर राहण्याचे आदेश दिले होते.

या प्रकरणातील मनसेच्या पाच पदाधिकाऱ्यांनी न्यायालयात हजर राहत, अजामीनपात्र वॉरंट रद्द केलं होतं. पण, १३ एप्रिल २०२२ ला दुसऱ्यांदा अजामीनपात्र वॉरंट काढण्यात आलं होतं. तसेच, १२ जानेवारी २०२३ ला हजर राहण्यास सांगितलं होतं. मात्र, आज ( १८ जानेवारी ) राज ठाकरे न्यायालयात हजर राहणार आहेत. न्यायालयाचे कामकाज झाल्यावर ते मनसेच्या प्रमुख पदाधिकाऱ्यांशी संवाद साधून संघटनेचा आढावा घेणार आहेत. त्यानंतर सुमारे दुपारी दीड वाजता मुंबईच्या दिशेने रवाना होतील.