मुंबई: आम्ही आंदोलन मागे घेतोय, कारण…; रवी राणांची पहिली प्रतिक्रिया

मुंबई: राज्यात सध्या हनुमान चालिसा आणि भोंगा प्रकरणावरून राजकीय वातावरण तापलं आहे. यातच अमरावतीच्या खासदार नवनीत राणा आणि आमदार रवी राणा हे मातोश्री समोर हनुमान चालिसा पठणावर ठाम होते. त्यांच्या या निर्णयामुळे शिवसैनिक आक्रमक झाले आहेत. रात्रभर शिवसैनिकांनी मातोश्री बाहेर बसून होते.

नवनीत राणा आणि रवी राणा हनुमान चालिसा पठण करण्यासाठी आल्यास त्यांना धडा शिकवणार असल्याचा पवित्रा शिवसैनिकांनी घेतला आहे. आता रवी राणा यांनी आपण आंदोलन मागे घेत असल्याचे जाहीर केले आहे. पंतप्रधान मोदींच्या महाराष्ट्र दौऱ्यामुळे आम्ही आंदोलन मागे घेत असल्याचे राणांनी सांगितले आहेत.