मार्चमध्ये कुठे फिरायला जाणे ठरेल बेस्ट,या ठिकाणी जा, मनाची शांती अनुभवा

आपला भारत देश इतका विविधतेने नटलेला आहे की संपूर्ण भारत फिरायला गेले तरी आयुष्य कमी पडेल.जर तुम्ही हवामानानुसार विविध जागांना एक्सप्लोर करु इच्छीता तर तुम्ही प्रत्येक जागेची वाईब चांगल्या प्रकारे अनुभवू शकता. जर मार्च महिन्यात कुठे फिरायला जाण्याचा प्लान आखत असाल तर काही पर्यटन स्थळे तुम्हाला या लेखात सूचवत आहोत. चला तर पाहूयात ही ठिकाणे कोणती ते पाहूयात….

ऋषिकेश, उत्तराखंड : – जर तुम्ही कधी ऋषिकेश येथे गेला नसाल तर एकदा या जागेला एक्सप्लोर करण्याचा प्लान जरुर करा. गंगेच्या किनारी बसून मनाला जी शांती आणि निवांतपणा मिळतो तो जगात तुम्हाला कुठेच मिळणार नाही.जर तुम्हा साहसी पर्यटन करायचे असेल तर ऋषिकेश येथे नदीत राफ्टींगची मजा घेऊ शकता. या जागी आध्यात्मिक शांतता पर्यटकांना आकर्षित करते.

गोवा – जर तुम्ही मित्रांसोबत किंवा एकट्याने फिरु इच्छीत असाल गोवा देखील एक चांगला पर्याय आहे. मार्चमध्ये गोव्यात उन्हाळा जाणवायला सुरुवात होत असते. त्यामुळे मार्चमध्ये गोव्यात कमी गर्दी पाहायला मिळते. जर तुम्ही कमी गर्दीच्या ठिकाणी निवांतपणे फिरायला जाऊ इच्छीता तर गोव्यात भाड्याने बाईक घेऊन हवे तितके फिरु शकता.

मथुरा-वृंदावन, उत्तर प्रदेश – मथुरेत वर्षभर पर्यटकांचा मेळा असतो. परंतू होळीच्या दरम्यान मथुरा – वृंदावनची वाईब काही औरच असते. मथुरा-वृंदावनची होळी केवळ देशातच नाही तर परदेशातही प्रसिद्ध आहे. जर होळीच्या सणाचा आनंद लुटायचा असेल तर मथुरा-वृंदावन सारखी जागा कुठेच मिळणार नाही.