पुणे : वानवडीत बांधकाम सुरु असलेल्या धार्मिक स्थळाचा स्लॅब कोसळला, 7 जण जखमी तर 3 गंभीर

पुणे : पुण्यातील वानवडी परिसरात स्लॅब कोसळला आहे. सदर दुर्घटना सायंकाळी ४ वाजेच्या सुमारास घडला असून त्यामध्ये सात मजूर जखमी झाले असून तीन जणांची प्रकृती गंभीर असल्याचं प्राथमिक माहितीतून समोर आलं आहे. वानवडीमधील विकासनगर येथील बांधकाम चालू असलेल्या इमारतीचा स्लॅब कोसळला असून सर्व जखमींना खासगी रुग्णालयात दाखल केले आहे. त्यांच्यावर उपचार सुरू असून घटनास्थळी पोलिस दाखल झाले आहेत. वानवडीमधील विकासनगर येथे चालू असलेल्या भोर कम्युनिटी हॉलचा भाग कोसळला असल्याचं माहितीतून समोर येत आहे. दरम्यान स्लॅब टाकणयाचं काम सुरु होतं. हे काम सुरु असताना अपघात घडला असून ओल्या स्लॅबखाली कुणी अडकलं आहे का याचा शोध सुरु असल्याचं सांगितलं जातंय.