नाशिक रेल्वे अपघात : रेल्वेकडून हेल्पलाईन नंबर जारी

मुंबई : मुंबईहून जाणारी लोकमान्य टिळक टर्मिनस- जयनगर एक्स्प्रेसचा नाशिकजवळ अपघात झाला (LTT Jaynagar Express Derailed) आहे. यामध्ये काही प्रवासी जखमी झाले आहेत. त्यांच्यासाठी रेल्वेकडून हेल्पलाईन नंबर (Railway Helpline Number) जारी करण्यात आले आहेत. प्रवासी त्यावर संपर्क साधून मदत मागू शकतात.

नाशिकजवळील लहवित ते देवळाली स्थानकादरम्यान दुपारी तीन वाजून दहा मिनिटांच्या सुमारास डाऊन मार्गावर एलटीटी-जयनगर एक्स्प्रेसचे डब्बे रुळावरून खाली घसरले. अर्धा तास झाल्यानंतरही घटनास्थळी कोणीही पोहोचले नव्हते. सध्या रेल्वे पोलिस आणि वैद्यकीय पथक घटनास्थळाकडे रवाना झाल्याची माहिती मिळत आहे. हा अपघात नेमका कसा झाला? याबाबत अद्यापही माहिती मिळू शकली नाही. पण, रेल्वे रुळाला तडे गेल्यामुळे अपघात झाल्याचा प्राथमिक अंदाज व्यक्त करण्यात येत आहे.

अपघातानंतर काही प्रवासी रेल्वेमध्ये अडकून पडले आहेत. त्यांच्यासाठी रेल्वेकडून हेल्पलाईन नंबर जारी करण्यात आले आहेत.

या क्रमाकांवर करा फोन -

• पब्लिक हेल्पलाईन नंबर नाशिक 0253-2465816
• हेल्पलाईन नंबर - 022 67455993
• हेल्पलाईन नंबर (CSMT station TC office) - Railway : 55993

• MTNL: 02222694040