नवी मुंबई : धक्कादायक! कारचालकाने वाहतूक पोलिसाला बोनेटवरून फरफटत नेले

नवी मुंबई : नवी मुंबईतून धक्कादायक प्रकार समोर आला आहे. नवी मुंबईतील खारघरमध्ये एका वाहतूक पोलीस कर्मचाऱ्याला बेशिस्त कारचालकाने बोनेटवरून फरफटत नेल्याचा धक्कादायक प्रकार समोर आला आहे. सदर प्रकार खारघर येथील कोपरा उड्डाण पुलाजवळ घडला आहे. ही घटना एका वाहनातील प्रवासीनं मोबाईलच्या कॅमेरात कैद केली आहे.

नवी मुंबईतील खारघरमध्ये एका वाहतूक पोलीस कर्मचाऱ्याला बेशिस्त कारचालकाने 100 मीटरपर्यंत बोनेटवरून फरफटत नेल्याचा धक्कादायक प्रकार समोर आला आहे. सदर प्रकार खारघर येथील कोपरा उड्डाण पुलाजवळ घडला आहे. वाहतूक पोलीस कर्मचारी गादेकर यांच्या अंगावर कार चालकाने गाडी घातली होती. बंदोबस्तासाठी उभ्या असलेल्या गादेकर यांनी विरुद्ध दिशेने येणाऱ्या बेशिस्त कारचालकाला अडवले असता त्यानं थेट अंगावर गाडी घालत बोनवटवरून जवळपास १०० मीटर पर्यंत फरफटत नेले. त्यावेळी एकच खळबळ उडाली.

बेशिस्त कारचालकाने पोलीसाला बोनेटवर घेऊन जाणाऱ्या वाहन चालकाला रस्त्यावरील इतर वाहनधारकांनी पाहिले. त्यानंतर ते वाहनधारक पोलीसाच्या मदतीसाठी धावले. तर एका वाहनातील प्रवासीने सदर प्रकार मोबाईलच्या कॅमेरात कैद केला. तर इतर वाहनधारकांनी पोलिसाला बोनटवर घेऊन जाणाऱ्या कारचालकाला थांबवले.

त्यानंतर या पोलीसाने उतरून कार चालकाच्या वाहनाची किल्ली काढून घेतली. या प्रकरणी पोलिसाला बोनेटवर फरफटत नेणाऱ्या कारचालकाविरोधात खारघर पोलीस ठाण्यात गुन्हा दाखल करण्याचे काम सुरू आहे. सदर घटनेचा व्हिडीओ सोशल मीडियावर व्हायरल झाला आहे. सदर बेशिस्त कारचालकाच्या विरोधात सोशल मीडियावर संताप व्यक्त करण्यात येत आहे.