जगभरात मोठा तणाव; व्हेनेझुएलानंतर आता डोनाल्ड ट्रम्प या देशावर करणार कोणत्याही क्षणी हल्ला, भीषण युद्धाची शक्यता

काही दिवसांपूर्वीच अमेरिकेनं व्हेनेझुएलावर हल्ला केला होता. अमेरिकेनं व्हेनेझुएलावर केवळ हल्लाच केला नाही, तर व्हेनेझुएलाचे राष्ट्रपती निकोलस मादुरो यांना देखील अटक केली. त्यानंतर आता व्हेनेझुएलावर आपला ताबा असल्याची घोषणा अमेरिकेचे राष्ट्राध्यक्ष डोनाल्ड ट्रम्प यांच्याकडून करण्यात आली होती. व्हेनेझुएलावर हल्ला केल्यानंतर अमेरिकेला आता ग्रीनलँडवर देखील ताबा मिळवायचा आहे. त्यासाठी अमेरिकेकडून प्रयत्न सुरू आहेत. अमेरिकेकडून साम, दाम दंडनीती अशा प्रत्येक प्रकारे ग्रीनलँडवर ताबा मिळवण्याचा प्रयत्न सुरू आहे. त्यामुळे युरोपियन संघ आणि अमेरिकेमधील संघर्ष वाढला आहे. हे सर्व सुरू असतानाच आता आंतरराष्ट्रीय पातळीवरून मोठी बातमी समोर येत आहे, ती म्हणजे अमेरिका आणि इराणमधील संघर्ष आता चांगलाच वाढला आहे.

अमेरिकेकडून इराणवर कोणत्याही क्षणी हल्ला होऊ शकतो अशी परिस्थिती निर्माण झाली आहे. या सर्व पार्श्वभूमीवर मोठी बातमी समोर आली आहे, ती म्हणजे आता अमेरिकेनं इराणवर हल्ला करण्यासाठी नवा रुट शोधला आहे. या कामात अमेरिकेला आता आर्मेनिया मदत करण्याची शक्यता आहे. अर्मेनियाची सीमा थेट इराणला लागून आहे. आर्मेनिया आणि इराणमध्ये सुमारे 44 किलोमीटरची सीमा आहे. हेच कारण आहे की, आता अमेरिका आर्मेनियामधून इराणवर हल्ला करण्याच्या प्रयत्नात आहे. अमेरिकेचे उपराष्ट्रपती जेडी वेन्स यांनी काही दिवसांपूर्वीच अर्मेनियाचा दौरा केला होता.

एकेकाळी अर्मेनियाला रशियाचा सर्वात जवळचा मित्र मानलं जायचं. मात्र गेल्या वर्षी अमेरिकेनं आर्मेनियाला आपल्या बाजूने करण्यात यश मिळवलं आहे. त्यातच अमेरिकेचे उपराष्ट्रपती जेडी वेन्स यांनी काही दिवसांपूर्वीच अर्मेनियाचा दौरा केला आहे, त्यामुळे आता चर्चेला उधाण आलं आहे. सौदी अरेबिया, कतार, तुर्कस्तान, इराक, पाकिस्तान आणि अजरबैजान हे इराणचे शेजारी देश आहेत, मात्र या देशांनी या युद्धात आपला बेस अमेरिकेला वापरू देणार नसल्याचं आधीच स्पष्ट केलं आहे, त्यामुळे आता अमेरिकेला फक्त आर्मेनियाचाच एकमेव आधार आहे. अमेरिकेनं जर आपला बेस वापरण्याची अमेरिकेला परवानगी दिली तर कोणत्याही क्षणी इराणवर हल्ला होऊ शतो अशी सध्या परिस्थिती निर्माण झाली आहे.